რატომ გვესმის მობილურზე საუბრისას საკუთარი ხმის ექო?

მობილურ ტელეფონში წარმოთქმულ თქვენს სიტყვებს თანამოსაუბრის ტელეფონის ხმის გამაძლიერებელი (დინამიკი) აღიქვამს, საიდანაც ხმა იმავე ტელეფონის მიკროფონს გადაეცემა და ექოს სახით თქვენთან ბრუნდება.

სადენიან ტელეფონში ექო მხოლოდ მილიწამის შემდეგ (წამის მეათასედი) ბრუნდება და საუბარს არ უშლის. ფიჭური და ინტერნეტკავშირის დროს კი სიგნალის დამუშავებას მეტი დრო სჭირდება, ამიტომ ექო შეიძლება თქვენს ხმას შესამჩნევად ჩამორჩეს, რაც საუბარს გაართულებს.

ამ პრობლემას ექოს ჩახშობის ალგორითმებით ებრძვიან, თუმცა ასეთი ალგორითმი ყველა ტელეფონს (მაგ. ძველ მოდელებს) არ აქვს ან თუ აქვს, ხშირად ხარვეზებით მუშაობს.

ასე რომ, მობილურზე საუბრისას საკუთარი ხმის ექოს გაგონება, თითქოს იმის ნიშანია, რომ „გვისმენენ“, ეს ახლოსაც არ არის სიმართლესთან. თუ ვინმეს თქვენი საუბრის მოსმენა სურს, ამას ისე გააკეთებენ, რომ ვერანაირი ნიშნით ვერ მიხვდებით.

და კიდევ 3 „რატომ“ 👇📢

რატომ არ შეიძლება ტელეფონის მაგიდაზე დადება? - ეს და კიდევ 22 მთავარი წესი!

რატომ არ უნდა დატოვოთ აიფონი უყურადღებოდ? - 8 რამ, რისი გაგებაც შეიძლება თქვენ შესახებ

რატომ არ უნდა დასვათ წერტილი ტექსტური შეტყობინების ბოლოს