გულღვიძლი ნიგვზით - იმერულად

საჭირო პროდუქტი:

ღორის გულ-ღვიძლი – 700 გ

ნიგოზი – 200 -250 გ

ხმელი ქინძი – 2 ს.კ.

ქონდარი – 1,5 ს.კ.

უცხო სუნელი – 2 ს.კ.

დაღერღილი წითელი წიწაკა – 1 ჩ.კ.

ხახვი – 2-3 თავი

ნიორი – 5 კბილი

ძმარი – 40 მლ

ბროწეული – 1 ცალი

ზეთი – 50 მლ (ხახვის მოსათუშად)

მარილი გემოვნებით.

მომზადების წესი:

1. შიგნეული კარგად გარეცხეთ. მოათავსეთ დიდ ქვაბში, დაასხით წყალი და ცეცხლზე შემოდგით. ხარშვის დროს მოქაფვა აუცილებელია! შიგნეული რომ მოიხარშება, ცეცხლიდან გადმოდგით და გააგრილეთ;

2. მოხარშული შიგნეულობა სასურველ ზომაზე დაჭერით;

3. წვრილად დაჭრილი ხახვი მოშუშეთ ზეთში და დაამატეთ გულ-ღვიძლს;

4. ნიგოზი კარგად დანაყეთ ან გაატარეთ. დაუმატეთ ხმელი ქინძი, ქონდარი, უცხო სუნელი, დანაყული ნიორი, ძმარი, მარილი, დაღერღილი წითელი წიწაკა და კარგად აურიეთ;

5. ნიგვზიანი მასა გულ-ღვიძლს დაუმატეთ და კარგად აურიეთ. სუფრაზე მიტანის წინ მზა კუჭმაჭს ბროწეულის მარცვლები მოაყარეთ.

გემრიელად მიირთვით!