როგორ მოვხარშოთ მუხუდო სწორად, რომ სასარგებლო თვისებები შეინარჩუნოს?

მუხუდოს მომზადება მოსახარშად

გაარჩიეთ მუხუდო, დაზიანებული მარცვლები გადაყარეთ და დარჩენილები გრილი, გამდინარე წყლით გარეცხეთ. მუხუდო ძალიან მშრალი პარკოსანია, ამიტომ კარგად უნდა დაალბოთ. ამის გაკეთება კი ორი გზით შეგიძლიათ.

დასაწყისისთვის, გაითვალისწინეთ, რომ დალბობისას მუხუდოს მოცულობა 2-3-ჯერ იზრდება.

მუხუდოს ხანგრძლივი დალბობა

ჩაყარეთ მუხუდო ჯამში და დაასხით იმდენი წყალი, რომ კარგად დაფაროს. დატოვეთ ასე, დაახლოებით, 8 საათის ან მთელი ღამის განმავლობაში. დილას წყალი გადაღვარეთ და მუხუდო გამდინარე წყლის ქვეშ გარეცხეთ.

მუხუდოს სწრაფი დალბობა

ჩაყარეთ მუხუდო ქვაბში და დაასხით ცივი წყალი ისე, რომ რამდენიმე სანტიმეტრით ასცდეს. შედგით ქვაბი გაზზე და მიიყვანეთ ადუღებამდე და 5 წუთის განმავლობაში ხარშეთ.
შემდეგ გადმოდგით ქვაბი ცეცხლიდან, დაახურეთ თავზე და 1 საათით დატოვეთ. 1 საათის შემდეგ ნადგომი წყალი გადაღვარეთ და მუხუდოს გამდინარე წყალი გაავლეთ.

მუხუდოს მოხარშვა

ხარშვის დროს წყლის პროპორციები მნიშვნელოვანი არ არის, მთავარია, რომ მუხუდო მთლიანად წყლით იყოს დაფარული.

თუ მუხუდოს წვნიანის ან სალათის მომზადებას აპირებთ, ნაკლები დროით უნდა ხარშოთ, პიურესთვის კი შედარებით მეტი ხარშვაა საჭირო. ყურადღება მიაქციეთ მარცვლების სტრუქტურას - თითის დაჭერისას ადვილად უნდა იჭყლიტებოდეს.

მუხუდოს კერძს მარილი მომზადებამდე 5 წუთით ადრე უნდა დაუმატოთ. თუ უფრო ადრე დაუმატებთ, მოხარშვას გაცილებით მეტი დრო დასჭირდება.

უკვე დალბობის პროცესის შემდეგ მუხუდოს ქვაბში ცივი წყალი დაასხით. მაღალ ცეცხლზე შედგით და ადუღებამდე მიიყვანეთ; შემდეგ, დაახლოებით, 1 საათი (ან ცოტა მეტი) დაბალ ცეცხლზე ხარშეთ. საჭიროების შემთხვევაში, ქაფი მოხადეთ.

მულტისახარში ქვაბი თ გაქვთ, მუხუდო "Stew" ან "Pilaf" რეჟიმში 1.5 საათის განმავლობაში უნდა ხარშოთ.