ადამიანები მწვანე სისხლით - მითია თუ რეალობა?

მაგალითად, ბევრი მოლუსკის, ფეხსახსრიანის და ზოგი სხვა ცხოველის სისხლი სპილენძის შემცველ გემოციანინს შეიცავს. ხშირად ეს „კოქტეილი“ სისხლს ლურჯ ან მოლურჯო-მომწვანო შეფერილობას აძლევს.

მწვანე სისხლი ვიეტნამში, ბაყაყის ერთ-ერთ სახეობას აღმოაჩნდა. როგორც გაირკვა, სისხლს მწვანე შეფერილობას პიგმენტი ბილივერდინი აძლევს, რომელიც ღვიძლში, როგორც ჰემოგლობინის დაშლის შუალედური პროდუქტი წარმოიქმნება.

ფოტოზე: ბაყაყი მწვანე სისხლით Gracixalus gracilipes

📷@jodirowley

ვიეტნამში ნაპოვნ ბაყაყს (Gracixalus gracilipes) გამჭვირვალე კანი აქვს, საიდანაც მწვანე სისხლი მოჩანს. ეს ტროპიკულ ტყეებში მცხოვრებ ბაყაყს საშუალებას აძლევს შეუმჩნეველი დარჩეს.

დაუჯერებლად ჟღერს, მაგრამ მეცნიერულად დადასტურებულია, რომ მწვანე სისხლი შეიძლება ადამიანსაც ჰქონდეს. თუმცა, ეს მხოლოდ მაშინ ხდება, როდესაც სისხლში გოგირდის ნაერთები ჭარბობს. (მაგალითად, გოგირდის შემცველი მედიკამენტების არასწორი გამოყენების შედეგად).

გოგირდის ჰემოგლობინთან შერწყმის შედეგად მიღებული ნაერთი - სულფოჰემოგლობინი სისხლს მუქ მწვანე შეფერილობას აძლევს, თუმცა თავად მწვანე სისხლის მფლობელებს ეს საერთოდ არ აწუხებთ.

2007 წელს კანადელმა ქირურგებმა 42 წლის კანადელს ოპერაცია ჩაუტარეს და კინაღამ შოკში ჩავარდნენ, როდესაც სკალპელის დასმის შემდეგ ჭრილობიდან მუქი მწვანე სისხლი წამოვიდა. მოგვიანებით ჩატარებულმა ანალიზებმა აჩვენა, რომ სისხლის შეფერილობა სულფჰემოგლობინით იყო გამოწვეული.

***

სისხლის ჯგუფი და ადამიანის ხასიათი

რომელი რელიგიური ჯგუფები კრძალავენ სისხლის გადასხმას და რატომ?