აქატინა - რატომ ებრძვიან ამ გიგანტურ ლოკოკინას აშშ-ში?
17:40 პარ. 8 ივლისი, 2022 წელი
აქატინა ფულიკა (Lissachatina fulica) ხშირად მტაცებელსაც უწოდებენ. ლოკოკინას პირობაზე, ის ნამდვილი გიგანტია - მისი ზომა 20 სმ-ს, ხოლო წონა 300 გრამს აღწევს. აქატინა ახალ გარემოს ადვილად ეგუება, კარგი მადა აქვს და შესანიშნავად მრავლდება.
მას ადვილად შეუძლია ნათესებისა და მცენარეულის საფარის განადგურება.
თუ ლოკოკინა ნათესებში აღმოჩნდა, მასთან ბრძოლა ძალიან ძნელია, რადგან მათ შეუმჩნევლად გადაადგილება - მაგალითად, ავტომობილზე ან ნაგვის პარკზე მიკრობა შეუძლიათ. საფრთხის შემთხვევაში აქატინას შეუძლია მიწაში ჩაძვრეს და ერთი წელი საკვების გარეშე გაატაროს.
ლოკოკინა-აქატინები ინტელექტით გამოირჩევიან - ისინი უცებ ეჩვევიან პატრონს და მას სუნითა და სითბოს შეგრძნებებით ცნობენ. ამის შემდეგ აქატინა თავად იწევს ადამიანისკენ და სიამოვნებით იწყებს მის ხელზე ცოცვას.
აშშ-ში კანონით იკრძალება აქატინას სახლში უნებართვოდ ყოლა, თუმცა ისინი არალეგალურად მაინც იყიდება.
მისი ხორცი დიეტური პროდუქტია, მის ლორწოს კი სახის კანის სამკურნალო და გამაახალგაზრდავებელ ეფექტს მიაწერენ და იყენებენ როგორც კოსმეტოლოგიაში, ისე ცოცხლად.
თუმცა ამ უწყინარ მოლუსკს შეუძლია მღრღნელებში გავრცელებული პარაზიტების - ნემატოდების (Angiostrongylus cantonensis) ადამიანისთვის გადაცემა. ამიტომაც აშშ-ს გარემოს დამცველი ორგანიზაციები ადგილობრივ მოსახლეობას მოუწოდებენ, რომ აქატინას დანახვისთანავე, სააგენტოს დაუკავშირდნენ ან ადგილობრივ ხელისუფლებას აცნობონ.
მაგალითად, ფლორიდაში მტაცებელი აქატინა პირველად 1969 წელს გამოჩნდა, შემდეგ 1975 წელს, 2011 წელს, 2017 წელს და 2021 წელს. მათთან ბრძოლაზე დიდი რესურსი - მილიონობით დოლარი დაიხარჯა.
ფლორიდის საპორტო ქალაქ ნიუ-პორტ რიჩიში რამდენიმე დღის წინ ისევ გამოჩნდნენ გიგანტური მოლუსკები და ქალაქის მერიამ კარანტინი გამოაცხადა.
წყარო: www.treehugger.com
სიახლეები ამავე კატეგორიიდან