დევონშირის საგრაფო - ყველაზე ზღაპრული ადგილი დედამიწაზე

ეს წარმოუდგენლად თვალწარმტაცი ადგილები მთელი მსოფლიოდან უამრავ ტურისტს იზიდავს. აქ ადამიანებს უზარმაზარი სასახლეების სამეფო არქიტექტურის გარდა, სოფლის პატარა, ზღაპრული სახლები იზიდავთ.

სახლის თითოეული მფლობელი ცდილობს საკუთარი ეზოს დიზაინში უნიკალური ატმოსფერო შექმნას. ყველა, ვისაც დევონშირში სახლი აქვს, საკუთარ ზღაპარს მოწიწებითა და სიყვარულით ქმნის.

დევონშირში სახლები მხოლოდ ბუნებრივი, ეკოლოგიურად სუფთა მასალისგან არის აშენებული. ფასადის და ინტერიერის გაფორმების, ასევე ბუნებრივი გადახურვისთვის დევონშირში ამ დრომდე ლერწამი და ჩალა გამოიყენება. ბავშვებისთვის ხეებზე ჯადოსნურ სახლებს აშენებენ. აქ ვერსად ნახავთ ლითონის ფილებს ან სხვა თანამედროვე მასალას. ექსტერიერის დეკორაციისთვის კი ძირითადად, ხე გამოიყენება.

ქვეყნის სამხრეთ-დასავლეთით მდებარე დევონშირი ინგლისში სიდიდით მესამე საგრაფოა.

თუ გსურთ ბრიტანელების ტრადიციებსა და ნამდვილ ბუნებას გაეცნოთ ან მწვანე ტურიზმის მოყვარული ბრძანდებით, მოგზაურობა აუცილებლად დევონშირიდან უნდა დაიწყოთ. ამ ტიპის ტურიზმი როგორც ინგლისის ხელისუფლების, ასევე დევონშირის მოსახლეობის მხარდაჭერით სარგებლობს.

საკურორტო და ტურისტული ბიზნესი დევონშირის შემოსავლის ძირითად წყაროდ მას შემდეგ იქცა, რაც ამ ადგილებში მე-19 საუკუნეში რკინიგზა გაიყვანეს და საგრაფოს თვალწარმტაცი ბუნების მოყვარულები მიაწყდნენ.

ადგილობრივი მოსახლეობა ტურისტებისთვის ისტორიული ინსტალაციის გზით, წინაპრების ცხოვრების მოყოლას ცდილობს.

ამ ადგილებში არის ძალიან ბევრი ღირსშესანიშნაობაა, რომელთა მონახულება მხოლოდ სტუმრებს კი არა, თავად ბრიტანელებსაც ძალიან უყვართ.

გეოლოგიური საოცრება - დევონშირის საგრაფო მსოფლიო მემკვიდრეობის ბუნებრივი ძეგლია, რომელსაც იუნესკო იცავს.