ჯონსონის ვარცხნილობის საიდუმლო - რატომ დადის აწეწილი თმით ბრიტანეთის პრემიერი?

ჟურნალისტები ჯონსონს ვარცხნილობსთან დაკავშირებულ კითხვებს გამუდმებით უსვამდნენ, თუმცა პოლიტიკოსი პირდაპირი პასუხის გაცემას ყოველთვის გაურბოდა და აბეზარ ჟურნალისტებს სიცილით იგერიებდა.

მაინც რა არის ეს - საგანგებოდ პრემიერისთვის შექმნილი ვარცხნილობა, შამპუნის ან თმის ბალზამის არასწორად შერჩევის შედეგი, თუ ჯონსონის უჩვეულო გზავნილი მსოფლიოსთვის?

ამერიკულმა გამოცემამ Nicky Swift ჟურნალისტური გამოძიება ჩაატარა და გაარკვია, რა გახდა უჩვეულო ვარცხნილობის არჩევის მიზეზი.

როგორც პრემიერთან დაახლოებული პირები ამბობენ, ჯონსონი დიდ დროს და ენერგიას ხარჯავს იმისთვის, რომ ქარიზმატულად გამოიყურებოდეს.

ის ყოველთვის „გაწეწილი“ არ ყოფილა, ახალგაზრდობაში ბრიტანეთში პოპულარულ, კლასიკურ ვარცხნილობას ატარებდა და ზუსტად ისე გამოიყურებოდა, როგორც ოქსფორდის კურსდამთავრებულს, არისტოკრატს და ბრიტანეთის მეფის ნათესავს ეკადრება.

„საფირმო ვარცხნილობა“ ჯონსონმა დიდ პოლიტიკაში მოსვლის შემდეგ მოირგო.

პოლიტიკური კარიერის დასაწყისში ჯონსონი მიხვდა, რომ ლონდონელი დენდის სტილი ხალხთან დაახლოების საუკეთესო გზა არ იყო, ამიტომ პოლიტიკოსის სტილისტებმა და იმიჯმეიკერებმა ახალი, უფრო „ხალხური“ ჯონსონის სტილი შექმნეს - აწეწილი თმა, დიდი ზომის პიჯაკი, დაჭმუჭნილი საწვიმარი და ველოსიპედი ბორის ჯონსონის განუყოფელ ნაწილად იქცა.

პრემიერი თავისი გარეგნობით და გამომეტყველებით თითქოს ბრიტანელებს ეუბნება: „ბიჭებო, მეც თქვენნაირი ვარ. გუშინ თმა უცნაური შამპუნით დავიბანე და დილას ვეღარაფერი მოვუხერხე. უბრალოდ დავავარცხნე და გავიქეცი თქვენი პრობლემების გადასაჭრელად.

აღსანიშნავია, რომ „ხალხური ჯონსონის“ იმიჯმა შესანიშნავად იმუშავა როგორც ბრიტანეთში, ისე მის საზღვრებს გარეთ.

დიახ, ბრიტანეთის პრემიერმა თანამდებობა დაკარგა, მაგრამ ის პოლიტიკაში რჩება. ამიტომ, არ უნდა ველოდოთ, რომ ხვალიდან ისევ ლონდონელი დენდის იერით გამოგვეცხადება.