ყავის ჭიქიდან დაწყებული, უნიტაზით დამთავრებული - მსოფლიოში ერთადერთი ოქროს სასტუმრო

25 სართულიანი შენობა, რომელიც შიგნიდანაც და გარედანაც ოქროთი მოვარაყებულია, ვიეტნამის დედაქალაქ ჰანოიში მდებარეობს.

სასტუმროს სახელია „The Dolce by Wyndham Hanoi Golden Lake“.

სტუმრებს, რომლებსაც ძვირად ღირებულ გარემოში ცხოვრება სურთ, იმედგაცრუება არ ელით - სასტუმროს მშენებლობაზე და მოპირკეთებაზე 200 მილიონი დოლარის დახარჯვის მიუხედავად, აქ სრულიად მისაღები ფასებია, რომელიც 250 დოლარიდან იწყება.

სასტუმროში თითქმის ყველაფერი მოოქრულია: ყავის ჭიქები, აბაზანები, ნიჟარები და ტუალეტები და სახურავზე განთავსებული აუზიც კი 24 კარატიანი ოქროთი დაფარულია.

ნათქვამია, ერთხელ ნანახი ასჯერ მოსმენილს სჯობსო, ამიტომ ამ აღმაშფოთებლად მდიდრული სასტუმროს ფოტოებს გთავაზობთ.