ხეში ჩაზრდილი ველოსიპედის საიდუმლო - ვინ არის მისი მფლობელი?

ამ ლეგენდაში ბევრი შეუსაბამობაა. მაგალითად, ის, რომ:
აშშ პირველ მსოფლიო ომს მხოლოდ 1917 წელს შეუერთდა;
თანაც, 10 წელზე უფროსი ბიჭი ამ ზომის ველოსიპედზე ვერ მოთავსდებოდა და მეტიც - ამ ასაკის ბიჭები ომში არ მიჰყავდათ;
რაც მთავარია, მე-20 საუკუნის დასაწყისში ასეთი ბრენდის ველოსიპედი არ არსებობდა.

მაშ, როგორ აღმოჩნდა ველოსიპედი ხეში?

მას შემდეგ, რაც ველოსიპედის ამბავმა მსოფლიო მოიარა, მის ნამდვილი პატრონი გამოჩნდა. ის 72 წლის პოლიციის ყოფილი შერიფი დონ პაზი აღმოჩნდა, რომელიც ამჟამად კენევიკში ცხოვრობს.

დონი ვაშონის კუნძულზე დაიბადა და 1992 წლამდე აქვე ცხოვრობდა. 1954 წელს, როდესაც პაზი 8 წლის ბიჭუნა იყო, მის ოჯახს ტრაგედია დაატყდა თავს - მამა ხანძრის შედეგად დაიღუპა. კუნძულის მცხოვრებლებმა ქვრივისა და ობლად დარჩენილი ბიჭუნას დასახმარებლად ნივთების შეგროვება დაიწყეს. ველოსიპედი ამ ნივთებს შორის აღმოჩნდა. დონმა აღიარა, რომ საჩუქარი თავიდანვე არ მოეწონა - ის სამთვლიან ველოსიპედს ჰგავდა და მეტისმეტად უხეში საბურავები ჰქონდა.

მამის სიკვდილის შემდეგ დონის ოჯახმა საცხოვრებელი ადგილი შეიცვალა და ჭაობის მახლობლად მდებარე სახლში გადავიდა. ბიჭუნას ველოსიპედი სწორედ ამ ადგილებში სეირნობის დროს დაავიწყდა, თუმცა ამაზე არ უდარდია. 1995 წელს, დის მოსანახულებლად, კუნძულზე ჩასული დონი იმ დროისთვის უკვე საკმაოდ ცნობილი ველოსიპედითაც დაინტერესდა და დანახვისთანავე შესძახა - „ეს ხომ ჩემი ველიკია”.

რაც შეეხება ბუნებრივ ფენომენს, რომელმაც მსოფლიო გააოცა, ვარაუდობენ, რომ ველოსიპედი ხის ზედა ტოტებზე დამოუკიდებლად, ადამიანის დახმარების გარეშე ვერ მოხვდებოდა და ვიღაცამ უბრალოდ, შეაგდო.

დროთა განმავლობაში პატარა დონის ველოსიპედი ხეს შეეზარდა და უცნაური ტანდემი შექმნა.

რა გასაკვირია, ბევრი ტურისტი ვაშონზე მხოლოდ ამისთვის ჩამოდის!