„მაპატიე, რომ 100 წლით დავაგვიანე“ - 15 საინტერესო ფაქტი „ტიტანიკის“ შესახებ

1912 წლის 15 აპრილს, დილის 2:20-ზე ერთ-ერთი ყველაზე მდიდრული და უსაფრთხო ხომალდი ნიუფაუნდლენდის ნაპირებთან აისბერგს შეეჯახა და ჩაიძირა. მასთან ერთად 1500-მდე ადამიანი დაიღუპა. ტრაგედიას ბევრი ფილმი, წიგნი და სტატია მიეძღვნა, მაგრამ ეს დღემდე ამოუწურავი თემაა.

👉შტურმანები მხოლოდ თავიანთი მხედველობის იმედზე იყვნენ - ხომალდის ბინოკლი კარადაში იყო ჩაკეტილი და გასაღებს ვერავინ პოულობდა. სავარაუდოდ, სწორედ ამის გამო ეკიპაჟმა დროულად ვერ შეამჩნია აისბერგი.

👉შტურმანი ფრედერიკ ფლიტი იმ საბედისწერო შეჯახებისას შტურვალთან მორიგეობდა და აისბერგიც პირველმა სწორედ მან შენიშნა.
ის იმ 706 ადამიანს შორის იყო, ვინც ტრაგედიას გადაურჩა. მან ცხოვრება 1965 წელს, 77 წლის ასაკში თვითმკვლელობით დაასრულა.
ამბობენ, რომ ბოლომდე აწუხებდა პასუხისმგებლობის ტვირთი და დანაშაულის გრძნობა. რამდენიმე წლის წინათ საუტჰემპტონში მის საფლავზე ვიღაცამ ბინოკლი მიიტანა წარწერით: „მაპატიე, ფრედი, რომ 100 წლით დავაგვიანე. შენ ხომ ამბობდი: ბინოკლი რომ მქონოდა, გაცილებით ადრე დავინახავდი აისბერგს და მეტი დრო მექნებოდა შეჯახების თავიდან ასაცილებლადო“.

👉„ტიტანიკი“ თავიდანვე ტრაგიკული ბედისა იყო - მისი აგებისას რვა ადამიანი დაიღუპა.

👉რამდენიმე გაზეთმა შეცდომით გაავრცელა ცნობა იმის შესახებ, რომ ავარიის მიუხედავად, გემი გადარჩა. ესენი იყო: Daily Mail, Belfast Telegraph და The World.

👉ძმები ნავრატილები „ტიტანიკის“ ობლების სახელით იყვნენ ცნობილები. ეს ორი ბავშვი მშობლების გარეშე გადაარჩინეს.

👉მსახიობი დოროთი გიბსონი „ტიტანიკის“ ბორტზე იმყოფებოდა და გადარჩა. გემის ჩაძირვიდან ერთ თვეში გადაიღეს ის გადაიღეს ფილმში „Saved From the Titanic“.

👉მართალია, „ტიტანიკი“ მსოფლიოს უდიდესი ხომალდი იყო, მაგრამ მის მოძებნას მაინც 73 წელი დასჭირდა.

👉ოთხ საკვამლემილიანი ხომალდი ყველასთვის ადვილი ამოსაცნობი იყო, მაგრამ მეოთხე საკვამლე მილს არავითარი დანიშნულება არ ჰქონდა, გარდა ესთეტიკურისა.

👉მუსიკოსების ჯგუფი მგზავრების დასაწყნარებლად ბოლომდე უკრავდა მუსიკას.

👉რამდენიმე იღბლიანმა ბილეთი შეიძინა, მაგრამ იმ რეისზე რაღაც მიზეზების გამო ვერ მოხვდა. მათ შორის იყო მილტონ ჰერშეი (Milton S. Hershey) - მე-20 საუკუნის ერთ-ერთი მსხვილი შოკოლადის მწარმოებელი, ქველმოქმედი და მეცენატი.

🔰🔰🔰:

„ტიტანიკის“ მგზავრების რეალური სიყვარულის ისტორიები

„ტიტანიკის“ სისხლიანი ბრილიანტი, რომელსაც მფლობელისთვის უბედურება მოჰქონდა