მარსზე თავდაპირველად ქალები გაფრინდებიან?

ყველაზე გაბედულები უნდა მოემზადონ, რომ წითელ პლანეტამდე მისაღწევად კოსმოსური ხომალდის ვიწრო სივრცეში თვეების გატარება და იმასთან შეგუება მოუწევთ, რომ შეიძლება სახლში ვეღარასდროს დაბრუნდნენ.

ამ ადამიანებს მაღალი დონის მომზადება უნდა ჰქონდეთ გავლილი და სხვადასხვა დარგის პროფესიონალები უნდა იყვნენ.

ჯერ კიდევ მე-20 საუკუნის შუა წლებში NASA-ს ექსპერტები ამტკიცებდნენ, რომ მამაკაც ასტრონავტებთან შედარებით, ქალები მარსზე მისიის უკეთესი კანდიდატები იყვნენ.

👉 ქალებს სხეულის წონა და სიმაღლე ნაკლები აქვთ და ნაკლებ ჟანგბადს და კალორიებს მოიხმარენ, რაც მნიშვნელოვნად ზოგავს ადგილს და რესურსებს.

👉 ასევე - ქალებს მამაკაცებთან შედარებით, გულის შეტევის დაბალი რისკი აქვთ და ქალის რეპროდუქციული სისტემა რადიაციის მიმართ უფრო მდგრადია, რაც ნიშნავს, რომ ფრენის განმავლობაში ქალები უკეთეს ფიზიკურ მდგომარეობაში იქნებიან.

იმის დასადგენად, როგორი იქნება მარსის მისიის იდეალური ასტრონავტი, მეცნიერებმა შეისწავლეს კოსმოსში ხანგრძლივი ფრენების დროს ჟანგბადის მოსალოდნელი მოხმარება, მთლიანი ენერგიის ხარჯები, ნახშირორჟანგისა და სითბოს გამოყოფა და წყლის მოთხოვნები.

როგორც გაირკვა, მამაკაცების შემთხვევაში ბევრი პარამეტრი საგრძნობლად იზრდება: ენერგიის მოხმარება 30 პროცენტით, ჟანგბადის მოხმარება თითქმის 60 პროცენტით, ნახშირორჟანგის გამომუშავება 60 პროცენტით და სითხის მოთხოვნილება 17 პროცენტით.

ქალებში ეს მაჩვენებლები მნიშვნელოვნად უკეთესი იყო, მათ შორის - ჟანგბადისა და კვების დაბალი მოთხოვნები.

იმის გათვალისწინებით, რომ ასტრონავტებს სულ მცირე, შვიდი თვე ფრენა მოუწევთ და ერთადერთი სადგური, სადაც მარაგის შევსება შეიძლება, ჩვენი პლანეტიდან 265 მილიონ კმ-ზე მეტი მანძილით არის დაშორებული, ნებისმიერი ფაქტორი, რომელიც ენერგოეფექტურობას ზრდის, მნიშვნელოვანია.

ამავე თემაზე:

◾ რამდენი წელი შეიძლება იცოცხლოს ადამიანმა მარსზე?

◾ შესაძლებელია თუ არა სექსი კოსმოსში?

◾ ადამიანის ხელით შექმნილი 6 საოცრება, რომელიც კოსმოსიდან მოჩანს

◾ სსრკ-ის უკანასკნელი მოქალაქე, რომელიც კოსმოსში „დაავიწყდათ“

წყარო: www.refinery29.com