რამდენი წელი შეიძლება იცოცხლოს ადამიანმა მარსზე?

გრანდიოზული გეგმებისა და ხმამაღალი განცხადებების მიუხედავად, საეჭვოა ეს შევძლოთ, რადგან:

მარსის ატმოსფეროში ადამიანი ვერ ისუნთქებს. მარსზე ჰაერი დედამიწაზე უფრო თხელია. დედამიწაზე ჰაერის 21 % ჟანგბადია, რაც იდეალური ადამიანის სიცოცხლისთვის. მაგრამ მარსზე ჟანგბადი ჰაერის 0,13 %-ს შეადგენს. მისი უმეტესი ნაწილი არის ნახშირორჟანგია, რომელიც საზიანოა ადამიანისთვის. ადამიანი მარსზე სკაფანდრის გარეშე 30 წამში გონებას დაკარგავს და ერთ-ორ წუთში მოკვდება, რადგან ჰაერს ჩაისუნთქავს, მაგრამ მარსის ატმოსფეროს გამო, ამოსუნთქვა ძალიან გაუჭირდებათ.

ამასთან წითელ პლანეტაზე ჰაერის ტემპერატურის რყევა შეიძლება -175°C--დან +80 °C-მდე იყოს (ისევე, როგორც დედამიწაზე, მარსზეც არის სეზონები);

რაც შეხება წყალს, წითელ პლანეტაზე ოდესღაც ყოფილა ოკეანე, მდინარეები და ტბები. შემდეგ კი, მილიარდობით წლის წინათ, მზის ქარებმა - დამუხტული ნაწილაკების ნაკადმა, რომელიც მზისგან მოედინება, გაანადგურა მარსის ატმოსფერო. ზედაპირზე არსებული წყალი კოსმოსში აორთქლდა ან პლანეტის სიღრმეში ჩავიდა და ყინულად გადაიქცა. 2018 წელს მარსის მკვლევარებმა გამოთქვეს ვერსია, თითქოს მარსის სამხრეთ პოლუსზე უზარმაზარი ტბა არსებობს, რომელიც წყლის დიდ რესურსს შეიცავდეს, თუმცა ეს ვარაუდი არ დადასტურდა.

ასე რომ, მარსი სიცოცხლისთვის გამოუსადეგარი პლანეტაა.

***

მიუხედავად ამისა, კოსმოსური სააგენტოები, მათ შორის NASA მარსის ათვისებას 21-ე საუკუნის მიზანს უწოდებენ, ხოლო SpaceX-ის ხელმძღვანელი ილონ მასკი მარსზე, სულ ცოტა, ქალაქის აშენებას გეგმავს. ახალი კვლევის თანახმად, ყველანაირი მოწყობილობების გამოყენების მიუხედავად, ადამიანების მარსზე ცხოვრების მაქსიმალური დრო ოთხი წელია.

სიცოცხლის გადარჩენისთვის მარსზე უნდა აიგოს ბაზა ადამიანისთვის მისაღები ატმოსფეროთი, ჟანგბადის დონეებით, წნევით და რადიაციისგან დაცვით. დედამიწიდან 55 758 006 კმ-ით დაშორებულ პლანეტაზე ასეთი ბაზის აგება კი ადვილი არ იქნება.

ასევე, საინტერესოა:

რა მოხდება, მზე რომ ჩაქრეს?

რა მოხდება, დედამიწამ ბრუნვა საპირისპირო მიმართულებით რომ დაიწყოს?

ყველაზე ცივი ადგილი დედამიწაზე - როგორ ცხოვრობენ ადამიანები -71,2°C-ზე?

ტბა კივუ - შენელებული მოქმედების ნაღმი დედამიწაზე!