მსოფლიოში ყველაზე ძვირფასი მატარებელი, სადაც სტუმრებისთვის ზღაპრული გარემოა

fun time

12:00 ორშ. 18 აპრილი, 2022 წელი

დაკოპირებულია

2017 წლის მაისში იაპონიის სარკინიგზო კომპანიამ JR East Railway Company-მ საზოგადოებას ყველაზე მდიდრული და ძვირად ღირებული მატარებელი "Shiki-Shima" (ოთხი სეზონი) წარუდგინა, რომლის შექმნისთვისაც სარკინიგზო კომპანიამ 45 მილიონი დოლარი დახარჯა.

სამოგზაურო მატარებელი 10 ულტრათანამედროვე დიზაინის ვაგონისგან შედგება, თითოეულ ვაგონში კი 34 ადგილია. მატარებელს სტუმრების კომფორტული მგზავრობისთვის 2-სართულიანი კუპეები აქვს, სადაც პირველ სართულზე საძინებელია, მეორეზე - მისაღები ოთახი, სპა და ა.შ.

ამ შესანიშნავი მატარებლით მგზავრობის ღირებულება 10 000 დოლარია.

პირველ და ბოლო ვაგონში პანორამული ფანჯრები და მინის ჭერია დამონტაჟებული, რათა მგზავრობისას იაპონიის პეიზაჟების სილამაზით დატკბეთ.

მგზავრობის ხანგრძლივობა მარშრუტზეა დამოკიდებული და, დაახლოებით, 3-4 დღე გრძელდება. ამ პერიოდის განმავლობაში მატარებლის მგზავრებს საშუალება ეძლევათ, იაპონიის ისტორიული ღირსშესანიშნაობები და კურორტები დაათვალიერონ.

აღსანიშნავია, რომ ვაგონების მოსაპირკეთებლად გამოყენებულია ტრადიციული იაპონური მასალები: ხე, იაპონური ვაშის ქაღალდი და სპეციალური ლაქი. ინტერიერში გამოყენებულია აღმოსავლეთ იაპონიისთვის დამახასიათებელი ტექნიკა. ვაგონების დიზაინზე ცნობილმა იაპონელმა დიზაინერმა კენ ოკუიამამ იმუშავა. მისი თქმით, ეცადა, რომ მგზავრებისთვის იაპონურ მეჩხერ ტყეში ყოფნის განცდა შეექმნა.

მოგზაურობის დროს სტუმრებს მოოქრული ჭურჭლით იმ რეგიონების სეზონურ ხილს და კერძებს შესთავაზებენ, რომლებსაც მატარებელი გაივლის.