ნამიბიის ვარდისფერი მაცივარი - უდაბნოს სიურპრიზი ტურისტებისთვის
16:54 შაბ. 14 ივნისი
ვარდისფერი მაცივარი, რომელსაც ფოტოზე ხედავთ, ნამიბიის უდაბნოში დგას და ამ ქვეყნის ტურიზმის საბჭოს ინიციატივით შექმნილი უნიკალური ღირსშესანიშნაობაა. მაცივრის ნახვა სასტუმრო Desert Grace by Gondwana-სკენ მიმავალ გზაზე შეგიძლიათ, სადაც ქვიშისფერი უდაბნოს ფონზე თავისი ნათელი ფერით გამოირჩევა.
მაცივარი, რომელიც მზის ენერგიაზე მუშაობს, მცხუნვარე მზით შეწუხებულ ტურისტებს ცივ სასმელებს სთავაზობს, რაც უდაბნოში მოგზაურობის დროს საკმაოდ სასიამოვნო სიურპრიზია.
ეს პატარა ობიექტი სტუმართმოყვარეობის სიმბოლოდ იქცა და მოგზაურებს საშუალებას აძლევს, მშრალი კლიმატით ცნობილი რეგიონის კვლევისას სიგრილე შეიგრძნონ.
ვარდისფერი მაცივარი გულთბილი მასპინძლობის სიმბოლოა, რომელიც ნამიბიის ყველაზე შორეულ კუთხეშიც კი იგრძნობა — ადგილობრივი მოსახლეობა ყველას გულღიად ხვდება.
სოციალურ ქსელებში, განსაკუთრებით TikTok-ზე, ვარდისფერი მაცივარი ვირუსულად გავრცელდა და უამრავ მომხმარებელზე წარუშლელი შთაბეჭდილება მოახდინა. ის ნამიბიური თავგადასავლებისა და სტუმართმოყვარეობის სიმბოლოდ იქცა.
ცნობისათვის:
ნამიბის უდაბნო აფრიკაში, ნამიბიისა და ნაწილობრივ ანგოლის ტერიტორიაზე მდებარეობს და ნამიბ-ნაუკლუფტის ეროვნული პარკის ნაწილს წარმოადგენს. ეს უდაბნო დედამიწაზე არსებულ უდაბნოებს შორის ყველაზე ხანდაზმულია - მისი ასაკი 80 მილიონ წლამდეა. ბოლო 55 მლნ წლის განმავლობაში ეს ადგილი გაუსაძლისად მშრალი და გვალვიანია.
ესეც დაგაინტერესებთ:
ტელეფონის ავტომატი უდაბნოში - მის „ბიოგრაფიაზე“ფილმიც გადაიღეს
„დედამიწის შვილი“ - რატომ დგას ბავშვის უზარმაზარი სკულპტურა უდაბნოში?
სიახლეები ამავე კატეგორიიდან
info@bp.ge
+995595334912