საკნატუნო ამბები

როგორ შეიქმნა პოპულარული „ცეზარი“ და რა აკავშირებს სალათს რომაელ მხედართმთავართან?

fun time

12:00 პარ. 28 მაისი, 2021 წელი

სალათი „ცეზარი“ და მისი
შექმნის ამბავი
14
დაკოპირებულია

დიდი ხანია, მწვანე სალათის ფურცლებისგან მომზადებული სალათი „ცეზარი“ ევროპული სამზარეულოს განუყოფელ ნაწილად იქცა. ბევრს ჰგონია, რომ „ცეზარი“ თავის სახელს რომაელ პოლიტიკურ მოღვაწესა და მხედართმთავარს უნდა უმადლოდეს...

სინამდვილეში, ყველაფერი გაცილებით მარტივადაა და ეს უგემრიელესი კერძი იტალიელი ბიზნესმენის იმპროვიზაციის შედეგად დაიბადა.

წინა საუკუნის 20-იან წლებში სიცილიელი ცეზარ კარდინი ბიზნესის საკეთებლად ამერიკაში გაემგზავრა.
ცეზარი სასტუმროს და მასში პატარა რესტორნის გახსნას აპირებდა, სწორედ ამ დროს კი ამერიკამ თითქოს იტალიელის ოცნებებს დასცინა, „მშრალი კანონი“ მიიღო.

სარესტორნე ბიზნესის წარმოება ალკოჰოლური სასმელის გარეშე სრულიად წარმოუდგენელი იყო, მაგრამ გამარჯვების სურვილმა და სიცილიურმა მიხვედრილობამ კარდინის სიტუაციიდან გამოსავალი მომენტალურად აპოვნინა.

სასტუმრო, მასთან არსებულ კვების ობიექტთან ერთად, მექსიკურ ქალაქ ტიხუანას გარეუბანში გახსნა, სადაც „ძია სემის“ მკაცრი აკრძალვები არ ვრცელდებოდა. რესტორანმა განსაკუთრებული შემოსავლების გარეშე რამდენიმე წელი იარსება, სანამ უდიდესი ამერიკული დღესასწაულის, დამოუკიდებლობის დღის აღსანიშნავად, რესტორანში ჰოლივუდის ბომონდი არ მივიდა.

მსახიობებს დღესასწაულის სათანადოდ აღნიშვნა სურდათ, ანუ ალკოჰოლის თანხლებით. საღამომ მშვენივრად ჩაიარა. სპირტიანი სასმელი „თავზე სასხმელად“ იყო, თუმცა კერძები აშკარად შემოაკლდათ.

კარდინიმ სასოწარკვეთილი მზერა მოავლო სამზარეულოს უკან მდებარე პატარა საწყობს. თან ფიქრობდა, რისი მომზადება შეიძლებოდა პურისა და ყველის ნარჩენებისგან, სალათის ფოთლების, ზეითუნის ზეთისა და კვერცხისგან.
ამ დროს გაახსენდა, როგორ ასწავლა განსვენებულმა დედამ კვერცხის უნიკალური კონსისტენციის მისაღებად, სპეციალური თერმული დამუშავება. ბოლოს სიცილიელმა ყველა ინგრედიენტს თავი მოუყარა და პოპულარულ სტუმრებს სალათი მიართვა.

ეს „ცეზარის“ პირველი დეგუსტაცია გახლდათ.

ზოგიერთები ამტკიცებენ, რომ ნამდვილი „ცეზარი“ მხოლოდ ანჩოუსებით მზადდება და ამაში სიმართლის მარცვალი ნამდვილად არის.

ერთ-ერთი ვერსიით, ცეზარის ძმამ, ალექსმა ძმის დახმარება გადაწყვიტა და სალათის რეცეპტი თევზით გაამდიდრა, თუმცა ალექსის ინიციატივამ ოჯახში აზრთა სხვადასხვაობა გამოიწვია. უფროსი კარდინი ფიქრობდა, რომ ვორჩესტერული სოუსის ორიგინალური გემო, რომელიც სალათის განუყოფელ ნაწილად იქცა, სრულიად საკმარისი იყო და თევზი რეცეპტიდან ამოიღო.

მას შემდეგ ყველა მზარეული ამ სალათს თავისებურად აკეთებს, ხოლო ორიგინალური რეცეპტი დიდი ხანია, ისტორიის სიღრმეში ჩაიკარგა...


სიახლეები ამავე კატეგორიიდან

13,7 გრადუსი - ადამიანის ყველაზე და...

ადამიანის ყველაზე დაბალი
ტემპერატურა

დანიაში პოლიტიკური პარტიის ხელმძღვა...

ხელოვნური ინტელექტი

როგორი იქნება ტექნოლოგიაზე დამოკიდე...

ტექნოლოგიაზე
დამოკიდებული ადამიანი 3000
წლისთვის

მსოფლიოს 5 ტომი განსაკუთრებული უნარ...

ბაჯაოს ტომი

რატომ იმატა ჩინეთში ცარიელი ქალაქებ...

ჩინეთში ცარიელი ქალაქები

რადიაციული ტექნიკით შეიძლება, დახურ...

რადიაციული ტექნიკა
დახურული წიგნის
წასაკითხად

ტიტანიკზე ორჯერ დიდი - მსოფლიოში ყვ...

ახალი ტიტანიკი - Icon of the Seas

მსოფლიოს 10 ყველაზე უჩვეულო ქუჩა

მსოფლიოს უცნაური ქუჩები

რატომ აქვს სამეფო ოჯახში ცოლ-ქმარს...

ბრიტანეთის სამეფო ოჯახის
ამბები