როგორი იქნება ტექნოლოგიაზე დამოკიდებული ადამიანი 3000 წლისთვის?
13:26 სამ. 15 ნოემბერი, 2022 წელი
როგორ შეცვლის თანამედროვე ტექნოლოგიებსა და გაჯეტებზე დამოკიდებულება ადამიანს 3000 წლისთვის? კომპანია Toll Free Forwarding-ის მკვლევარებმა შექმნეს მოდელი, რომელიც მომდევნო ათასწლეულის განმავლობაში ადამიანის ორგანიზმში ყველა პოტენციურ ცვლილებას ასახავს.
ავტორებმა თავიანთ მოდელს მინდი დაარქვეს.
ეს არის მხრებში მოხრილი ქალი, განიერი კისრით და დამატებითი ქუთუთოებით. მინდის ცერა თითი კაუჭს წაგავს, რაც, სავარაუდოდ, სმარტფონის ხშიორ გამოყენებას უკავშირდება.
„მომავლის ადამიანის სამგანზომილებიანი მოდელის შექმნამდე სამეცნიერო კვლევის შედეგები მივიღეთ და სხვადასხვა დარგის ექსპერტებთან კონსულტაციები გავიარეთ. ჩვენ შევძელით დაგვენახა პოტენციური ფიზიკური ცვლილებები, რომლებსაც ლეპტოპის, სმარტფონის და სხვა ტექნიკური საშუალებების მუდმივი გამოყენება გამოიწვევს“, - აცხადებენ კომპანიის წარმომადგენლები.
Toll Free Forwarding-ის მკვლევარების აზრით, 3000 წლისთვის დედამიწის ბინადარს სქელი თავის ქალა ექნება, თუმცა ტვინის მოცულობა შემცირდება. თვალის დამატებითი ქუთუთო საჭირო იქნება სინათლის გადაჭარბებული ზემოქმედებისგან დასაცავად. თუმცა, გამორიცხული არ არის, რომ 1000-წლიანი ევოლუციის შედეგად, თვალმა მავნე სინათლის დაბლოკვა დამოუკიდებლად შეძლოს.
ასევე საინტერესოა:
რადიაციული ტექნიკით შეიძლება, დახურული წიგნი წაიკითხოთ
10 მნიშვნელოვანი გამოგონება, რომელთა ავტორები ქალები არიან!
ლეონარდო და ვინჩი და მაკრატელი - გენიოსების გამოგონებები, რომლებითაც ყოველდღე ვსარგებლობთ
წყარო: www.independent.co.uk
სიახლეები ამავე კატეგორიიდან