რომელ სკამს აირჩევთ? - ეს თქვენს ხასიათზე მეტყველებს

მაღალი ტაბურეტი

ადამიანები, რომლებმაც ტაბურეტზე დაჯდომა გადაწყვიტეს, ჩვეულებრივ საკმაოდ მოკრძალებულები არიან. მეგობრები მათ სიკეთისა და ზრუნვისთვის აფასებენ. ასეთი ადამიანები მზად არიან ნებისმიერ გაჭირვებულს თანაუგრძნონ და დაეხმარონ.

მაგრამ ფრთხილად იყავით - არაკეთილსინდისიერი ადამიანები ყოველთვის ცდილობენ, ასეთი კეთილგანწყობილი და მოკრძალებული ადამიანები მოატყუონ. ნუ მისცემთ მათ ამის უფლებას!

სავარძელი

სავარძელი ამბიციური და ხალისიანი ადამიანების არჩევანია. მათი მწყობრიდან გამოყვანა ძალიან რთულია, რადგან ყველაზე გამოუვალ სიტუაციაშიც კი პოზიტივის დანახვა შეუძლიათ.

ასეთი ადამიანები საკუთარ თავს უქმნიან საფრთხეს. ავანტიურებისადმი თანდაყოლილმა მიდრეკილებამ და ზედმეტმა თავდაჯერებამ შეიძლება ბევრი პრობლემა შეგიქმნათ.

სკამი

მაგარზურგიან, ჩვეულებრივ სკამს ყველაზე ხშირად პირდაპირი და მიზანდასახული ადამიანები ირჩევენ. როგორც წესი, ისინი შესანიშნავი მოსაუბრეები არიან და საკუთარ სიმართლეში სხვისი დარწმუნება ადვილად შეუძლიათ. ცუდი ისაა, რომ დიპლომატიური თვისებები აკლიათ. ამასთან, სხვა ადამიანების მოსმენა არ გიყვართ, დამოუკიდებლად კი საშიში სიტუაციიდან გამოსავლის პოვნა არ შეგიძლიათ.

საქანელა სკამი

საქანელას ხშირად ირჩევენ ადამიანები, რომლებიც პიროვნული ზრდის მნიშვნელოვან ეტაპს გადიან. ამ შემთხვევაში საქანელა არასტაბილურობისა და ორჭოფობის სიმბოლოა, მაგრამ ამავე დროს, მიუთითებს, რომ ადამიანი მზად არის მოუსმინოს სხვებს და საკუთარი შეცდომები გამოასწოროს.

მეორე მხრივ, საქანელა შეიძლება აირჩიოს ადამიანმა, რომელმაც ცხოვრებაში ყველაფერი დიდი ხნის წინ გადაწყვიტა და მხოლოდ სიმშვიდეს ეძებს. ასეთი ადამიანების ცხოვრებაში მთავარი საფრთხე სტაგნაციაა. სიმშვიდე მშვენიერია, მაგრამ ადამიანს განვითარება ნებისმიერ სიტუაციაში სჭირდება, რათა ცხოვრება ერთფეროვნად არ იქცეს.