„სისხლიან ფულს ვერ მივიღებ“ - რატომ თქვა გამომგონებელმა 60 მილიონ დოლარზე უარი?

საბოლოოდ, 2013 წელს, ქვანახშირის „სუფთად წვის“ მეთოდით მსოფლიოში ქვანახშირის ყველაზე დიდი მომხმარებელი ჩინეთი დაინტერესდა.

ამ ქვეყანაში ჰაერის დაბინძურებით გამოწვეული დაავადებების გამო ყოველწლიურად დაახლოებით, ნახევარი მილიონი ადამიანი იღუპება. ნახშირის წვა ჩინეთში შავი სმოგის წარმოქმნის ერთ-ერთი მთავარი მიზეზია, რასაც მთავრობა ჯერჯერობით უშედეგოდ ებრძვის.

ჩინეთის ერთ-ერთმა უნივერსიტეტმა, რომლის უკან კომუნისტური პარტიის ბოსები დგანან, მეცნიერს კვლევის გაგრძელების და მოწყობილობის პროტოტიპის შექმნისთვის 60 მილიონი დოლარი შესთავაზეს.

არავინ იცის, როგორ განვითარდებოდა მოვლენები, რომ მიდლბრუკს ახალი ამბების გამოშვებიდან ჩინეთში სინდისის პატიმრების წამებისა და მათთვის შინაგანი ორგანოების ამოცლის შესახებ არ შეეტყო.
როგორც გამომგონებელმა მოგვიანებით აღიარა, მორალური დილემის წინაშე აღმოჩნდა.

„ჩინელები ცხვირწინ მილიონებს მიფრიალებდნენ, მე კი ამ ქვეყნის შესახებ საშინელებებს ვკითხულობდი. ბოლოს მივხვდი, რომ არ შემიძლია ამის გაკეთება. მე ვერ მივიღებდი სისხლიან ფულს მთავრობისგან, რომელიც საკუთარ მოქალაქეებს ხოცავდა,“ - განაცხადა მეცნიერმა.

„რატომ არ შეიძლება აიღო ფული, შენი ტექნოლოგია მსოფლიოს სასიკეთოდ განავითარო და შემდეგ მიღებული მილიონები კარგი საქმის საკეთებლად გამოიყენო?" - ეკითხებოდნენ მეცნიერს მეგობრები.

მიდლბრუკი ყველას პასუხობდა:

„თუ მართალია, რომ ისინი ადამიანებს შინაგანი ორგანოებისთვის კლავენ და ამაში ხელისუფლების უმაღლესი პირები არიან ჩართულნი, მე ჩემს ტექნოლოგიას ვერ მივყიდი და სისხლიან ფულს ვერ მივიღებ. უბრალოდ, არ შემიძლია ამის გაკეთება.“

ესეც დაგაინტერესებთ:

გენიოსების გამოგონებები, რომლებითაც ყოველდღე ვსარგებლობთ

ნობელიანტი მკვლელები - მეცნიერები, რომელთა გამოგონებას მსოფლიო ნანობს

წყარო: www.theepochtimes.com