4 შემთხვევა, როდესაც ციდან ფული მართლა ცვიოდა

ვერტმფრენიდან გადმოყრილი მილიონი

2023 წელს ჩეხმა მილიონერმა, კამილ ბარტოშეკმა ერთგვარი თამაში წამოიწყო, რომლის გამარჯვებულებმა დაშიფრული კოდი მიიღეს. კოდი ჯილდოს მიღების ადგილზე მიუთითებდა. შედეგად, ჩეხეთის ქალაქ ლიზა-ნად-ლაბემის ერთ კონკრეტულ ადგილზე ოთხი ათასამდე ადამიანი შეიკრიბა. ბარტოშეკმა შეკრებილებს ვერტმფრენით გადაუფრინა და თავზე მილიონი ცალი 1-დოლარიანი კუპიურა გადმოაყარა. ხალხი მინდორში დარბოდა და ცდილობდა რაც შეიძლება მეტი ფული აეკრიფა. ამბობენ რომ მინდორში შეკრებილებს ვერტმფრენიდან გადმოყრილი კუპიურების ასაგროვებლად ერთი საათიც არ დასჭირვებიათ.

ფული და ვარდის ფურცლები

2025 წლის ზაფხულში დეტროიტის გადატვირთულ მაგისტრალზე მყოფ მძღოლებს თავზე დოლარები და ვარდის ფურცლები დაეყარათ. მოგვიანებით გაირკვა, რომ მანქანების სამრეცხაოს მფლობელმა, დარელ ომასმა, რომელიც ალცჰაიმერის დაავადებას ებრძოდა, სიკვდილის წინ დაიბარა, რომ მისი დაკრძალვის დროს ხალხისთვის თავზე ათასობით დოლარი გადაეყარათ. ომასი 15 ივ­ნისს, 58 წლის ასაკ­ში გარ­და­იც­ვა­ლა, დეტროიტელებს კი არასოდეს დაავწყდებათ დღე, როდესაც ციდან დოლარები და ვარდის ფურცლები ცვიოდა.

დოლარების წვიმა ჰონგ-კონგში

2018 წელს ჰონგ-კონგში, შამ-შუი-პოს რაიონში, ხალხმრავალ ფუკ ვას ქუჩაზე 100-დოლარიანი კუპიურების ცვენა დაიწყო. როგორც მოსალოდნელი იყო, ხალხმა სწრაფად დაიწყო „ციდან ჩამოყრილი“ სიმდიდრის შეგროვება, თუმცა პოლიცია, რომელმაც თავიდან აქციის მიზანი არ იცოდა, ყოველნაირად ცდილობდა ამისთვის ხელი შეეშალა. მოგვიანებით გაირკვა, რომ ეს იყო დაგეგმილი აქცია, რომელიც კრიპტოვალუტის გვერდის მფლობელმა ყურადღების მისაქცევად მოაწყო.

ავიაკატასტროფა

ეს შემთხვევა სულ ახლახან, 2026 წლის თებერვალში მოხდა. სამხედრო-სატრანსპორტო თვითმფრინავი, რომელსაც ბოლივიაში ცენტრალური ბანკისთვის განკუთვნილი ნაღდი ფული გადაჰქონდა, დანიშნულების ადგილამდე ვერ მივიდა და ელ-ალტოს რაიონში კატასტროფა განიცადა. დაზიანებული თვითმფრინავიდან ჩამოყრილი ფული ხალხს პირდაპირ თავზე დაეყარა და მათაც შანსი ხელიდან არ გაუშვეს. გავრცელებული ინფორმაციით, პოლიციამ ცრემლსადენი გაზიც კი გამოიყენა, რათა იოლი ფულის მაძიებელთა ბრბო დაეშალა.

***

„სისხლიან ფულს ვერ მივიღებ“ - რატომ თქვა გამომგონებელმა 60 მილიონ დოლარზე უარი?

ხალხური სიბრძნე - როგორი საფულე უნდა ატაროთ, რომ ფული არ გამოგელიოთ?

ნუმეროლოგია: ეს მარტივი გამოთვლა გიკარნახებთ, რითი გამდიდრდებით