ტყუპისცალმა დებმა ერთმანეთი 36 წლის შემდეგ სოციალური ქსელით აღმოაჩინეს

მოლი სინერტმა და ემილი ბუშნელმა ერთმანეთის შესახებ არაფერი იცოდნენ, თუმცა დნმ-ის ტესტმა ყველაფერს ნათელი მოჰფინა.

უცნობია, რატომ გადაწყვიტა მათმა ოჯახმა გოგონების შეერთებულ შტატებში გაშვილება, მაგრამ ფაქტია, რომ სინერტი ფლორიდიელმა ოჯახმა იშვილა, ხოლო ბუშნელი პენსილვანიელმა.

თავიდან დებმა ურთიერთობა სოციალურ ქსელში დაიწყეს და გაოცებულებმა აღმოაჩინეს, რომ სახლში ორივეს კატა ჰყავდა, გამოსაშვებ საღამოზე ორივეს ერთნაირი, უბრეტელო კაბა ეცვა და ყელზე ჩოკერი ეკეთა.

„გაოგნებული ვარ.. ეს ალბათ ტყუპების ერთ-ერთი დამახასიათებელი თვისებაა, რომელიც ჩვენ აღმოვაჩინეთ, - ამბობს ბუშნელი.

ტყუპები ერთმანეთს პირველად 29 მარტს, 36-ე დაბადების დღეზე შეხვდნენ. დღესასწაულზე ბუშნელი დასთან, ფლორიდაში ქალიშვილთან ერთად გაფრინდა. ”ეს არის ყველაზე ბედნიერი მომენტი ჩემს ცხოვრებაში. მე ცხოვრების 36 წელი მომპარეს, რომელიც შემეძლო დასთან ერთად გამეტარებინა“ - ამბობს მოლი.