სილამაზე/ჯანმრთელობა

10 შემთხვევა, როცა კუნთების სპაზმის გამო ექიმს უნდა მიმართოთ

მარიამ ელიაშვილი

14:00 ორშ. 25 იანვარი

კუნთების სპაზმი
14
დაკოპირებულია

კუნთების სპაზმი ცხოვრებაში ერთხელ მაინც ყველას უგრძვნია. სხეულის კიდურების შეშუპებას ალბათ, ძილშიც გაუღვიძებიხართ და მასაჟიც გაგიკეთებიათ. ხშირ შემთხვევაში, მსგავსი ტკივილები არც ისე საშიშია, მაგრამ არის რიგი შემთხვევებისა, როცა უმჯობესია ექიმს მიმართოთ. ზოგიერთმა კრუნჩხვამ შესაძლოა, თქვენს შინაგან ორგანოებზე მოახდინოს გავლენა.  მაგალითად, როდესაც შარდის ბუშტი იკუმშება, მოსალოდნელია, შარდის გაჟონვა.

რა იწვევს კუნთების სპაზმს?

1. სტრესი და დაღლილობა

American Institute of Stress-ის მიერ გამოქვეყნებული გაიდლაინის მიხედვით, ქრონიკულმა სტრესმა შეიძლება კუნთების დაძაბულობა და სპაზმოდიური მდგომარეობა გამოიწვიოს. კუნთების კრუნჩხვების მიზეზი არასაკმარისი დასვენებაც შეიძლება გახდეს.

2. კუნთების გადაჭარბებული დაძაბვა
დიახ, თქვენი კუნთები ძლიერია, მაგრამ მათ ყველაფრის ატანა არ შეუძლიათ. შესაძლოა, ბევრმა ვარჯიშმა უკუშედეგი გამოიღოს.

3. მედიკამენტური მკურნალობა
იცოდით, რომ ზოგიერთი მედიკამენტის გვერდითი ეფექტი კუნთების შეშუპებაა? მიუხედავად ამისა, გახსოვდეთ - ექიმთან კონსულტაციის გარეშე, მედიკამენტი ან მისი დოზა არასდროს შეცვალოთ.

4. კოფეინი
ყავის უკუეფექტი შესაძლოა შეამჩნიოთ, ქუთუთოს დაჭიმვით ან ხელების ოდნავი კანკალით.

5. დეჰიდრატაცია
თქვენს კუნთებს ტონუსში ყოფნისა და ეფექტიანი მუშაობისთვის წყალი სჭირდება.

6. ელექტროლიტური ბალანსები
მედიცინის ეროვნული ბიბლიოთეკის მიერ გამოქვეყნებულ წიგნში ნათქვამია, რომ თქვენს სხეულს უჯრედების ჯანმრთელობისთვის, ნერვებსა და კუნთებს შორის ურთიერთქმედებისათვის, ელექტროლიტები სჭირდება. ეს კი ვიტამინებითა და მინერალების მიღებას საჭიროებს.

7. არასწორი მოძრაობა
განმეორებითი მოძრაობები, მუდმივი მოხრა და აღმასვლა - ეს კუნთების კრუნჩხვების ძირითადი წყაროა.

8. ორსულობა და მშობიარობა

როდესაც ორსულად ხართ, ცხრა თვის განმავლობაში, მთელი თქვენი სხეული გაურკვევლობაშია. მომავალ და ახალბედა დედებს კუნთების მტკივნეული სპაზმები ხშირად აქვთ.

9. ხერხემლისა და სხვა ტიპის სერიოზული, სამედიცინო პრობლემები

ეს ყველაფერი, შესაძლოა სპაზმის მიზეზი გახდეს. პრობლემებს შეგიძლიათ, სახლშიც გაუმკლავდეთ, მაგრამ ზოგჯერ ექიმის კონსულტაცია აუცილებელია.

რა შემთხვევაში უნდა მიმართოთ ექიმს?

        1. თუ სპაზმი ქრონიკულ ხასიათს იღებს;
        2. თუ განიცდით გონებრივ ცვლილებებს, სისუსტეს ან წონასწორობის დაკარგვას;
        3. თუ სპაზმი იწვევს სხვა ტკივილებს;
        4. თუ ამჩნევთ კანის ფერის ცვლილებას, სიწითლეს ან შეშუპებას;
        5. თუ გაქვთ სუნთქვის გართულებები;
        6. თუ შეშუპება შენიშნეთ მედიკამენეტების მიღების შემდეგ;
        7. თუ ფეხზე ხშირად გიწევთ დგომა და გრძნობთ ჩხვლეტას ფეხის გულებზე;
        8. თუ სპაზმი განვითარდა ტრავმის შემდეგ;
        9. თუ ხანდაზმული ხართ და გრძნობთ სახსრების ხშირ ტკივილს,
        10. თუ სახლში მკურნალობა საკმარისი არაა.

სახლის პირობებში სპაზმის მოსახსნელად შეგიძლიათ, გამოიყენოთ: თბილი ბალიშები, ყინულის პაკეტები, გაჭიმვა ან მასაჟი.

წყარო: www.powerofpositivity.com


სიახლეები ამავე კატეგორიიდან

რატომ შავდება ვერცხლის სამკაული? -...

რატომ შავდება ვერცხლის
სამკაული?

მწვანე ჩაი სახის კანისთვის - დაამზა...

მწვანე ჩაის სახის
მოსავლელად

დაცემინება ორგანიზმისთვის სასარგებლ...

რა ხდება დაცემინების დროს?

8 მარტივი წესი, რათა სწრაფად ჩაიძინ...

საინტერესო ფაქტები ძილზე

„სტივ ჯობსმა დააგვიანა ჩემთან მოსვლ...

სტივ ჯობსის ონკოლოგი
დევიდ აგუსი

D ვიტამინის ნაკლებობა სიმსუქნეს იწვ...

D ვიტამინის ნორმა

კეფირის კოქტეილები ცხიმების დასაწვა...

კეფირის კოქტეილი ვახშმად

ახალი კვლევა: ყავის ხშირი მოხმარება...

ზედმეტი კოფეინი და
მახსოვრობა

5 მცენარე, რომელიც ვირუსული ინფექცი...

ჯანჯაფილი