7 ცვლილება, რომელსაც უმოძრაო ცხოვრების წესი იწვევს

მაინც, რას იწვევს დიდხანს ჯდომა?

ხერხემლის გამრუდება

ხანგრძლივი ჯდომა, პირველ რიგში, ზურგს და ხერხემალს აზიანებს - კუნთებზე დატვირთვა არათანაბრად ნაწილდება, კისრისა და წელის ზონის მალთაშუა დისკებზე დატვირთვა უფრო ძლიერდება. თუ ადამიანი დიდხანს ზის, ზურგის მუდმივად სწორ მდგომარეობაში შენარჩუნება უჭირს და ბეჭებში იხრება, რაც დროთა განმავლობაში გამრუდების და სქოლიოზების წარმოქმნას იწვევს. საბოლოოდ, ამას ზურგის ტკივილი, ფეხების ნაწილობრივი (და ზოგჯერ სრული) დაბუჟება, სხეულის შინაგანი სისტემების ნორმალური ფუნქციონირების დარღვევა მოსდევს.

ჭარბი წონა

უმოძრაო ცხოვრების წესი აუცილებლად ზედმეტი კილოგრამების დაგროვებით მთავრდება, საბოლოოდ ჯანმრთელობასა და ფსიქიკაზე მოქმედებს. ამის თავიდან ასაცილებლად, სამუშაოს შორის ინტერვალში ვარჯიშის დრო უნდა გამონახოთ.

სისხლის გასქელება

ეს სიმსუქნის და უმოძრაო ცხოვრების წესის შედეგია. თუ სხეული ძალიან ცოტას მოძრაობს, სისხლი საჭირო კომპონენტებს დროულად ვერ იღებს და შეიძლება თრომბები ჩამოყალიბდეს. თუ თრომბი ფილტვებში ან გულში მოხვდა, ამან შეიძლება ქოშინი, გულმკერდის ტკივილი ან სიკვდილიც კი გამოიწვიოს.

ყურადღების გაფანტვა

ადამიანს რუტინული მოვალეობების შესრულება, ბოლოს და ბოლოს, ბეზრდება და ქვეცნობიერად, გასართობის ძიებას იწყებს. თუ ეს ხშირად და დიდი ხნის განმავლობაში ხდება, ადამიანი ყურადღების კონცენტრირების უნარს კარგავს.

შფოთვა და დეპრესია

მუდმივი ჯდომა ადამიანის ფსიქიკისთვის ძალიან დამღლელია. ადრე თუ გვიან, ნერვული სისტემა ამ მდგომარეობას გააპროტესტებს, ხოლო სიხარულისა და სიამოვნების ნაკლებობა კი შფოთვას და დეპრესიულ აშლილობებს გამოიწვევს.

გონებრივი შესაძლებლობების გაუარესება

მუდმივი უარყოფითი ემოციები ადამიანის ინტელექტუალურ დონეს ამცირებს. ტვინმა რომ ნაყოფიერად იმუშაოს, მოსვენებულ მდგომარეობაში უნდა იყოს.

სიცოცხლის შემცირება

უმოძრაო ცხოვრების წესი ვენების ვარიკოზული დაავადების ერთ-ერთი მიზეზია. რისკის მთავარი ფაქტორი – ქვედა კიდურების კუნთების ტონუსის არქონაა. სიარულისას კუნთები აწვება ვენებს და ტონუსში მოჰყავს, რითაც სისხლის მიმოქცევის სტიმულირებას ახდენს. ჯდომისას კი დატვირთვა ქვედა კიდურების კუნთებზე არასაკმარისია, კუნთოვან-ვენური ტუმბოს ფუნქცია სუსტდება, სისხლის ცირკულაცია ფერხდება. ეს იწვევს ვენის კედლების მოდუნებასა და გაგანიერებას, ხდება ვარიკოზული კვანძების ფორმრება.

👉თუ სამუშაოს გამო იძულებული ხართ, მთელი დღის განმავლობაში იჯდეთ, ეცადეთ, საათში ერთხელ მაინც წამოდგეთ, გაიაროთ ან დამჯდარმა ტერფებით წრიული მოძრაობები. ჯდომისას ფეხი ფეხზე არ გადაიდოთ.

🔰:

პროდუქტები, რომლებიც ფეხებში სისხლის მიმოქცევას აუმჯობესებს

რამდენ ხანს შეიძლება გაუნძრევლად ჯდომა, ისე რომ ჯანმრთელობა არ დაიზიანოთ?

5 ჩვევა, რომელიც მოწევაზე მავნეა