პროდუქტები, რომლებიც ფეხებში სისხლის მიმოქცევას აუმჯობესებს

C ვიტამინით მდიდარი პროდუქტები

თუკი ფიქრობთ, რომ მხოლოდ სუპერმარკეტში ნაყიდი წვენით თქვენი ორგანიზმი C ვიტამინით გამდიდრდება, ცდებით. რეგულარულად უნდა ჭამოთ ხილი, ხოლო წვენები მხოლოდ ახლად დაწურული უნდა მიირთვათ. ფორთოხალი, ლიმონი და პაპაია C ვიტამინს ყველაზე დიდი რაოდენობით შეიცავს.

ჯინჯერი (კოჭა)

ეს ჯადოსნური მცენარე დიდი ხანია, გამოიყენება ტრადიციულ მედიცინაში. ჯინჯერი აუცილებლად დაამატეთ თქვენს ყოველდღიურ რაციონში. ის ფეხების ტკივილის წამალს ვერ შეცვლის, თუმცა, წამალთან ერთად მისი მიღება მნიშვნელოვნად გააუმჯობესებს სისხლის მიმოქცევას. ჯინჯერი არის ბუნებრივი ტკივილგამაყუჩებელი და ანთების საწინააღმდეგო საშუალება. თუკი მას ცოცხლად მიიღებთ, მაქსიმალურ შედეგს მიაღწევთ. ჯინჯერი ვენებს და არტერიას უფრო ელასტიკურს ხდის.

გოგრის თესლი

გოგრის თესლი შეიცავს დიდი რაოდენობით E ვიტამინს, რაც ორგანიზმის ქსოვილებს კვებავს. ასევე, გოგრის თესლი აუმჯობესებს სისხლის მიმოქცევას ფეხებში და ამცირებს თრომბის წარმოქმნის რისკს. ასე რომ, ხშირად მიირთვით.

ნიორი და 1 ჭიქა წყალი უზმოზე

ეს ძალიან სასარგებლოა. თუკი უზმოზე 1 კბილ ნორს შეჭამთ და ჭიქა წყალს დააყოლებთ, გაისუფთავებთ სისხლს და ვენების კედლებზე დაგროვილ ნალექებს. გაიუმჯობესებთ სისხლის მიმოქცევას ფეხებში და, ასევე, გულ-სისხლძარღვთა სისტემას. არ დაგავიწყდეთ, რომ ნიორი საუკეთესო ბუნებრივი ანტიბიოტიკია!

საზამთრო

საზამთრო შეიცავს დიდი რაოდენობით ლიკოპენს, ანტიოქსიდანტს, რომელიც აუმჯობესებს სისხლის მიწოდებას ორგანიზმში (ლიკოპენს პომიდორიც შეიცავს). საზამთროს, ასევე, აქვს, ანთების საწინააღმდეგო მოქმედება და ორგანიზმში დაგროვილ ზედმეტ სითხეს გამოდევნის, რაც თრომბის წარმოქმნის რისკს ამცირებს და ვენების მდგომარეობას აუმჯობესებს.

კურკუმა

ამ სანელებელს ანთების საწინააღმდეგო მოქმედება აქვს. აუმჯობესებს სისხლის მიმოქცევას. აყუჩებს ტკივილს და სიმძიმის შეგრძნებას ფეხებში.

ფეხებში სისხლის მიმოქცევის გასაუმჯობესებლად რაციონიდან უნდა ამოიღოთ მარილი, მიირთვათ ბევრი წყალი და ყოველდღიურად ზომიერად ივარჯიშოთ. ეს მცირედი ძალისხმევა აუცილებლად გაგიუმჯობესებთ ცხოვრების ხარისხს.
დაიწყებთ დღეიდან?

🔰🔰🔰:

ფეხების 9 პრობლემა, რომელიც სერიოზულ დაავადებებზე მიანიშნებს

გაყინული ფეხები - როგორ დავაღწიოთ თავი პრობლემას?

შეიძლება თუ არა ბრტყელტერფიანობა სერიოზული დაავადებების მიზეზი გახდეს?!