სილამაზე/ჯანმრთელობა

ადამიანის ნერწყვი მორფინზე ძლიერ გამაყუჩებელს შეიცავს

fun time

16:00 პარ. 7 ივნისი

ადამიანის ნერწყვი

14
დაკოპირებულია

ადამიანის სხეული ბუნებრივად გამოიმუშავებს ნივთიერებას, რომელიც ტკივილთან ბრძოლაში ექვსჯერ უფრო ძლიერია, ვიდრე მორფინი. 

პარიზის პასტერის უნივერსიტეტის თანამშრომლებმა შეძლეს ადამიანის ნერწყვიდან გამოეყოთ პროტეინი, სახელად ოპიორფინი ეწოდება და ცხოველებზე ექსპერიმენტებით მისი ტკივილგამაყუჩებელი თვისებები დაემტკიცებინათ.

კვლევის ანგარიში ჟურნალში Proceedings of the National Academy of Sciences გამოქვეყნდა.

ექსპერიმენტის დროს მეცნიერებმა ოპიორფინი შეიყვანეს ვირთხებში, რომლებსაც ქიმიური ნივთიერებით ან მექანიკური დაზიანებით გამოწვეული მწვავე ტკივილი აწუხებდათ. ექსპერიმენტმა დაადასტურა, რომ ახალი ნივთიერების შეყვანის შემდეგ მღრღნელები მთლიანად გათავისუფლდნენ ტკივილისგან. როგორც დასკვნაშია აღნიშნული, მსგავსი შედეგი მხოლოდ მორფინის 6-ჯერ მაღალი დოზის გამოყენების შემდეგ მიიღწევა.

***

ოპიორფინის მოქმედების ზუსტი მექანიზმი უცნობია, მაგრამ ცნობილია, რომ ამ ნივთიერებას შეუძლია ორგანიზმში ენკეფალინის დაშლა შეანელოს, რომელიც ტკივილის იმპულსებზე ცენტრალური ნერვული სისტემის რეაქციას აკონტროლებენ.

კვლევითი პროექტის კოორდინატორი პროფესორი კეტრინ რუჟო არ გამორიცხავს, ​​რომ ოპიორფინის როლის შემდგომი შესწავლა ძლიერი ტკივილგამაყუჩებლების ახალი კლასის შექმნით დასრულდება.

BBC-თან ინტერვიუში ინგლისელმა ნეირომეცნიერმა ჯონ ვუდმა ადამიანის ნერწყვში ტკივილგამაყუჩებელი ცილის აღმოჩენას ძალიან საინტერესო მოვლენა უწოდა.

მისი თქმით, ადრე ნაერთები, რომლებიც ენკეფალინის დაშლას ანელებს, ძროხებისა და ვირთხების ნერწყვში აღმოაჩინეს, თუმცა იმავე პრინციპით მოქმედი მედიკამენტების შექმნის მცდელობები წარუმატებელი აღმოჩნდა. ასევე ვერ შეძლეს იმის დადგენა, მონაწილეობენ თუ არა ეს ცილები ძუძუმწოვრების ორგანიზმში ტკივილის შეგრძნებებში. ამგვარად, კვლევის კლინიკური მნიშვნელობა ჯერჯერობით, დაუდასტურებელია - მიიჩნევს ბრიტანელი მეცნიერი.


სიახლეები ამავე კატეგორიიდან

ინდონეზიელმა მეცნიერებმა საშიშ კოღო...

ინფექციური დაავადება
დენგე

რატომ იკლებს ადამიანი სიმაღლეში ასა...

ასაკი და სიმაღლე

ახალი კვლევა - სხეულის დაბალი ტემპე...

სხეულის დაბალი
ტემპერატურა

საინტერესო ფაქტები საზამთროს შესახე...

საზამთროს სამკურნალო
თვისებები

ფეიხოას სასარგებლო თვისებები

ფეიხოას სასარგებლო
თვისებები

მარცვლეული, რომელიც თითქმის ყველაფრ...

რა არის ფეტვი

ციკორის ყავა

ციკორის ყავა

რა არის სპირულინა?

რა არის სპირულინა?

თუთა - დღეგრძელობის კენკრა, რომელიც...

თუთა - დღეგრძელობის კენკრა