ყველის სასარგებლო თვისებები და უკუჩვენებები

ყველის სასარგებლო თვისებები

ყველი კალციუმის და ცილის ნამდვილი საბადოა. აქედან კალციუმი ძვლების ჯანმრთელობისთვის სასარგებლოა, ხოლო რძის ცილა ორგანიზმის „საშენ მასალას“ წარმოადგენს.

ყველი D ვიტამინის წყაროდ მიიჩნევა, ასევე მდიდარია ტრიპტოფანით და ამინომჟავით, საიდანაც ჰორმონები მელატონინი და სეროტონინი წარმოიქმნება. სეროტონინი ბედნიერების ჰორმონია, მელატონინი კი დაძინებაში გვეხმარება და ასაკთან დაკავშირებულ დაავადებებს ებრძვის.

ყველში შემავალი რძის ცხიმი ორგანიზმს ჰორმონების გამომუშავებაში ეხმარება.

ყველი ასევე A ვიტამინს შეიცავს - ეს კარგი მხედველობა, ძლიერი იმუნური სისტემა, კანის, თმისა და ფრჩხილების ჯანმრთელობაა.

ყველის უკუჩვენებები

ყველის ხშირად მიღებას უნდა მოერიდონ:

• ვისაც პოდაგრა აწუხებს და დიდი რაოდენობით შარდმჟავა მარილებს გამოყოფს;
• ვისაც ჰიპერტენზიისა და სისხლძარღვებთან დაკავშირებული პრობლემების აქვს;
• ვისაც ართრიტი და შაკიკი აწუხებს.

ყველის კალორია (100 გრ-ზე)

• იმერული ყველი – 278
• სულგუნი – 290
• ქარხნის ყველი – 275
• მდნარი ყველი – 253
• ცხვრის ყველი - 393
• პარმეზანი - 369
• ფეტა - 215
• შვეიცარიული - 396
• ჰოლანდიური - 357

როგორ ავირჩიოთ ხარისხიანი ყველი?

ნატურალური ყველი ძროხის უმი რძისგან, მარილისა და რძემჟავა ბაქტერიების კონცენტრატისგან, მინარევებისა და სხვა ქიმიკატების დამატების გარეშე მზადდება. ეს არის იდეალური კომპოზიციაა.

👉 იმის გასარკვევად, არის თუ არა ყველში მცენარეული ცხიმი, ყველის ნაჭერი ოთახის ტემპერატურაზე დატოვეთ - თუ წვეთები გაიკეთა, მასში მცენარეული ცხიმებია.

👉 ზოგჯერ წონის მოსამატებლად ყველს სახამებელს ამატებენ. ყველის პატარა ნაჭერს იოდი წაუსვით, თუ გალურჯდა, ეს ყველში სახამების არსებობაზე მიანიშნებს.

👉 ყველის ქერქი უნდა იყოს თხელი და თანაბარი, დაზიანებების გარეშე.

👉 თუ ყველს უსიამოვნო სუნი აქვს, არ უნდა იყიდოთ.

👉 ყველა ობი არ უნდა ჰქნდეს, თუ ეს განსაკუთრებული სახეობის ყველი არაა.

👉 კარგი ხარისხის ყველი თეთრი ან ღია ყვითელი უნდა იყოს.

👉 პლასტელინივით დამყოლი არ უნდა იყოს და ფორმას მარტივად არ იცვლიდეს.

👉 თუ მაგარი ყველი ფშვნადია, ის დაბალხარისხიანია ან გაყინული იყო.

დაბოლოს - ყველის ხარისხის დადგენა მიკროტალღური ღუმელის დახმარებითაც შეიძლება:

შედეთ ყველი მიკროტალღურ ღუმელში, ჩართეთ და დაელოდოთ - თუ ყველი გადნა და წელვადი გახდა, ის ნატურალურია, თუ ყველმა ფორმა არ შეიცვალა, ის ფალსიფიცირებულია.

ესეც დაგაინტერესებთ:

ყველი - უძილობის წამალი?!