მეცნიერებმა ხილ-ბოსტნეულიდან პესტიციდების მოშორების მარტივ გზას მიაგნეს

დღემდე სახლის პირობებში ხილისა და ბოსტნეულის გარეცხვის სტანდარტული მეთოდები ნაკლებად შედეგიანი იყო. მასაჩუსეტის უნივერსიტეტის მეცნიერებმა კი მარტივი და ეფექტიანი ვარიანტი შემოგვთავაზეს.

მათ ჟურნალში Agricultural and Food Chemistry გამოაქვეყნეს კვლევა, რომელიც ვაშლზე სოდის გავლენას აღწერს.
კვლევის დროს ვაშლებს პესტიციდების ორი ტიპი შეასხურეს და ქერქებში შეღწევისთვის გარკვეული დრო მისცეს. ამის შემდეგ ხილი 3 ტიპის ხსნარით გაირეცხა: ონკანის წყალი, საჭმელი სოდა და წყალი, თანაფარდობით 1:9, გამათეთრებელი ხსნარი.

12-წუთიანი რეცხვის შემდეგ სოდიანმა ხსნარმა ორივე ტიპის პესტიციდების მოშორება შეძლო. ამ მეთოდის და ზოგადად, საჭმელი სოდის ეფექტიანობას სხვა კვლევებიც ადასტურებს.

„შედეგებმა აჩვენა, რომ ხსნარი (1% სოდა, 90% წყალი) ყველაზე ეფექტიანი იყო თიაბენდაზოლის და ფოსმეტის ტიპის პესტიციდებზე. სტანდარტული მეთოდები პესტიციდებთან საბრძოლველად არაეფექტიანია“, - ვკითხულობთ კვლევაში.

წყარო: www.collective-evolution.com