ფლამინგოს ტესტი — დადექით ცალ ფეხზე და შეამოწმეთ თქვენი ჯანმრთელობის მდგომარეობა

როგორ გავაკეთოთ ფლამინგოს ტესტი?

• ფეხშიშველი სწორად დადექით იატაკზე დომინანტურ ფეხით და მოდუნდით. შეგიძლიათ ხელები თეძოებზე დაიწყოთ.

• ასწიეთ ერთი ფეხი ისე, რომ იატაკს არ ეხებოდეს.

• თვალები ღია გქონდეთ.

• ფეხის აწევისთანავე დაიწყეთ დროის დათვლა.

👉 თუ ტესტის დროს თავს ცუდად იგრძნობთ, შეწყვიტეთ ტესტი.

18-39 წლის ადამიანებმა ცალ ფეხზე, სულ მცირე, 43 წამი უნდა გაძლონ

40-49 წლის ადამიანებმა — 40 წამი

50-59 წლის ადამიანებმა — 37 წამი

ხოლო 60-დან 69 წლამდე — 30 წამამდე.

70-79 წლისთვის ეს მაჩვენებელი 18-19 წამამდე ეცემა

ხოლო 80 წელზე უფროსი ასაკის ადამიანებისთვის — 5 წამამდე.

თუ წონასწორობის შენარჩუნება გიჭირთ, შესაძლოა, ასაკის მატებასთან ერთად ჯანმრთელობის პრობლემებმა შეგაწუხოთ, თუმცა არსებობს უამრავი ვარჯიში, რომელსაც შეუძლია წონასწორობის შენარჩუნებაში და ჯანმრთელობის გაუმჯობესებაში დაგეხმაროთ.

***

2022 წელს ბრაზილიაში ჩატარებული კვლევის თანახმად, სიკვდილის რისკი ორმაგდება, თუ შუახნის ადამიანს ცალ ფეხზე 10 წამი დგომა არ შეუძლია. ეს ტესტი სწრაფად და ობიექტურად აჩვენებს წონასწორობის დონეს და სიკვდილიანობის რისკის შესახებ დამატებით ინფორმაციას იძლევა.

აღსანიშნავია, რომ აერობული გამძლეობისა და კუნთოვანი ძალისგან განსხვავებით, წონასწორობა 60 წლამდე სტაბილური რჩება, რის შემდეგაც მკვეთრად კლებას იწყებს.

Mayo Clinic-ის მკვლევრებმა დაადგინეს, რომ ცალ ფეხზე დგომის დრო მიუთითებს ორგანიზმის ძვლების, კუნთების და ნერვების ჯანმრთელობაზე. ყოველი 10 წლის შემდეგ ეს დრო მცირდება: არადომინანტურ ფეხზე - 2,2 წამით, ხოლო დომინანტურ ფეხზე - 1,7 წამით.

ეს მარტივი და იაფი ტესტი შეიძლება, ძვლების ჯანმრთელობისა და დაბერების პროცესის შესაფასებლად ძალიან სასარგებლო აღმოჩნდეს.

ესეც დაგაინტერესებთ:

არომათერაპია — რა გავლენას ახდენს ჯანმრთელობაზე სურნელი?

„არავის უამბოთ თქვენი ავადმყოფობის შესახებ...“ - ჰიპოკრატეს 11 რჩევა ჯანმრთელი ცხოვრებისთვის

ხუნზაკუტები - მსოფლიოში ყველაზე ჯანმრთელი ხალხი, რომელიც კიბოთი არასდროს ავადდება