რატომ არ შეიძლება ჩაის პაკეტის გამოწურვა

მოკლედ და მარტივად თუ ვიტყვით, პაკეტის „გაწურვის“ დროს ტანინები გამოიყოფა - ეს არის ნივთიერება, რომელიც კბილის მინანქარს ამუქებს.

კვლევები ადასტურებს, რომ ჩაი გვეხმარება კიბოსთან, გულის დაავადებებთან, დიაბეტთან და ჭარბ წონასთან ბრძოლაში, ამცირებს მავნე ქოლესტერინის რაოდენობას და აუმჯობესებს აზროვნებას.

ამასთან, ჩაის ანტიბაქტერიული თვისებები აქვს, თუმცა, ზემოთ ჩამოთვლილი უპირატესობები დასაყენებელ ჩაის უფრო მიეკუთვნება და არა - პაკეტის ჩაის.

როდესაც ჩაის პაკეტი მდუღარე წყალში ეშვება, მიკროპლასტიკის და ნანოპლასტიკის ნაწილაკები გამოიყოფა. პაკეტის გაწურვისას კი სასმელში ტანინების კონცენტრაცია იზრდება.

ზოგი მწარმოებელი ჩაის შეფუთვაზე მიუთითებს, რომ პაკეტების გაწურვა ჯანმრთელობისთვის საზიანოა.

ამიტომ, თუ უპირატესობას ჩაის პაკეტებს ანიჭებთ, უნდა გაითვალისწინოთ, რომ

ჩაის პაკეტი, უმჯობესია, მხოლოდ მინის ფინჯანში გამოიყენოთ.

ხარისხიანია ის პაკეტი, რომელიც დამზადებულია ხელოვნური აბრეშუმით, ნეილონით ან სიმინდის კრახმალით.

ქაღალდის პაკეტი ნაკლებად ხარისხიანია.

როცა პაკეტი შეფუთულია კონვერტში, ამით ჩაი დაცულია სინათლის სხივებისა და ნესტისგან, შესაბამისად სასარგებლო თვისებებს ინარჩუნებს.

პაკეტი ცხელ წყალში, მაქსიმუმ, 3 წუთი უნდა გააჩეროთ.