როგორ განვსაზღვროთ ძილის იდეალური დრო ასაკის მიხედვით

ძილის ეროვნული ფონდის ექსპერტები ვარაუდობენ, რომ ზრდასრულებისთვის ძილის ხანგრძლივობა 7-9 საათი უნდა იყოს, მაგრამ ხანგრძლივობა მისი სრულყოფილების გარანტი არ გახლავთ.

კლინიკური ფსიქოლოგი, დუკის უნივერსიტეტის ფსიქიატრიისა და ქცევითი მეცნიერებების კათედრის დოქტორი ჯეიდ ვუ განმარტავს, რომ „ბევრი ძილი კარგ ძილს“ არ ნიშნავს:

„თუ მხოლოდ 9 საათი გჭირდებათ და 10 საათს იძინებთ, იმედგაცრუებული გაიღვიძებთ. ისეთი განცდა გექნებათ, თითქოს 7 საათი გეძინათ. საკუთარ თავს უნდა დაუსვათ შეკითხვა შემდეგნაირად - რომელ საათზე მიწევს ხვალ გაღვიძება და არა ის, თუ რომელზე დავიძინო. აი, მაგალითისთვის, ავიღოთ შაბათ-კვირა, დასვენების დღეებში ხომ იმავე დროს არ იღვიძებთ, როცა კვირის სხვა დღეებში?“

იდეალური ძილისთვის გაღვიძების დროის კონტროლი უფრო მნიშვნელოვანია, ვიდრე დაძინების. ამ მოსაზრებას ჰარვარდის უნივერსიტეტის, ბრიგამის და ქალთა საავადმყოფოს მკვლევრების მიერ ჩატარებული კვლევებიც ადასტურებს.

შედეგების თანახმად, ერთსა და იმავე დროს გაღვიძება სტუდენტებს მეტად პროდუქტიულს ხდიდა. რაც უფრო თანმიმდევრულები ხართ, თქვენი ტვინი ამ მოდელს მით უფრო ადვილად აღიქვამს და თავად „გეტყვით“, როდის უნდა დაიძინოთ.

გაღვიძების ჩვევის ჩამოყალიბების შემდეგ კი, შეგიძლიათ განსაზღვროთ, რომელ საათზე უნდა დაიძინოთ, იმისათვის, რომ ძილის ხანგრძლივობა თქვენს ასაკს შეესაბამებოდეს.

ამაში ქვემოთ მოცემული თვალსაჩინოება დაგეხმარებათ:

ფოტო: unsplash.com

წყარო: www.goodhousekeeping.com