როგორ მოქმედებს ხელსაქმე და ლოცვა ტვინის ჯანმრთელობაზე

ჟურნალმა The Journals of Gerontology-მ (JG) გამოაქვეყნა მონაცემები, რომლებიც ადასტურებს, რომ დასვენების აქტიური ფორმები, როგორიცაა კითხვა, ხელსაქმე ან მუსიკალურ ინსტრუმენტებზე დაკვრა კოგნიტიური უნარების შენარჩუნებას ხელს უწყობს, ხოლო პასიური დასვენება, როგორიცაა ტელევიზორის ყურება, უარყოფით გავლენას ახდენს.

ექსპერიმენტში მონაწილეობა 397-მა მოხუცმა მიიღო. მკვლევრებმა შეისწავლეს, როგორ მოქმედებს დასვენების დროს ქცევის განსხვავებული მოდელი მეხსიერებასა და აზროვნების უნარებზე.

აღმოჩნდა, რომ დასვენების ფორმა, რომელიც გონებრივ ჩართულობას ან სოციალურ აქტივობას მოიცავს, ხელს უწყობს კოგნიტიური უნარების გაუმჯობესებას. ასეთი აქტივობებია: ლოცვა, კითხვა, მუსიკის მოსმენა, ხელსაქმე და ურთიერთობა.

აღსანიშნავია, რომ დასვენების პასიური ფორმები, განსაკუთრებით - ეკრანთან ხანგრძლივად ყოფნა, ტვინის მუშაობის გაუარესებას იწვევს.

კვლევის ავტორები აღნიშნავენ, რომ ტვინის მუშაობისთვის აქტივობის ხანმოკლე პერიოდებიც კი შეიძლება სასარგებლო იყოს. ფიზიკური და ინტელექტუალური აქტივობის შერწყმა კი შეიძლება ტვინის ჯანმრთელობის გაუმჯობესებას და ჯანსაღი ჩვევების განვითარებას დაეხმაროს.

მეცნიერები გვირჩევენ, რომ დასვენების დრო სხვადასხვა სახის აქტივობებისთვის გამოვიყენოთ, რომლებიც სიამოვნებასაც გვანიჭებს და ტვინის მუშაობისთვისაც სასარგებლოა.

ესეც საინტერესოა:

ტვინის მუშაობის გაუმჯობესება - 12 შეუცვლელი პროდუქტი!

ჩვევები, რომლებიც ტვინს აზარმაცებს

რა უნდა ჭამოთ გამოცდის წინ, თუ ტვინის მუშაობის გაუმჯობესება გსურთ