შავი კვლიავი - მცენარე, რომელიც ქოლესტერინის დონეს ამცირებს

საუბარია შავი კვლიავის კიდევ ერთ სამკურნალო თვისებაზე.

კვლევამ დაადასტურა, რომ შავი კვლიავის თესლის (ლათ. Nigella sativa) გამოყენებამ შეიძლება მენოპაუზის პერიოდში მყოფი ქალების ლიპიდური პროფილი მნიშვნელოვნად გააუმჯობესოს და გულ-სისხლძარღვთა დაავადების რისკი მნიშვნელოვნად შეამციროს.

ექსპერიმენტის მიმდინარეობისას, მენოპაუზის დროს, სისხლში ლიპიდების გაზრდილი დონის მქონე ქალებს ორი თვის განმავლობაში შავი კვლიავის თესლს და პლაცებოს აძლევდნენ. კვლევის შედეგების მიხედვით ქალების ჯგუფს, რომელიც შავ კვლიავს იღებდა, ლიპიდური პროფილის მნიშვნელოვანი გაუმჯობესება აღენიშნებოდა.

შავი კვლიავის მიღების ორთვიან პერიოდში დაფიქსირდა საერთო ქოლესტერინის, დაბალი სიმკვრივის ლიპოპროტეინების და ტრიგლიცერიდების დონის დაქვეითება. პრეპარატის შეწყვეტიდან ერთი თვის შემდეგ ჯგუფში, რომელიც შავ კვლიავს იღებდა, ლიპიდური პროფილი საწყის მნიშვნელობებს უბრუნდებოდა.

ეს კვლევა მენოპაუზის ასაკის ქალებში ქოლესტერინის შესამცირებლად შავი კვლიავის თესლის პოტენციურ სარგებელზე მეტყველებს. მისი გამოყენება შეიძლება ბევრად უფრო გამართლებული იყოს, ვიდრე სხვადასხვა ფარმაკოლოგიური პრეპარატებს, რომლებიც სხვადასხვა გვერდით მოვლენებს იწვევენ.

დაბოლოს, ინფორმაცია მოწოდებულია მხოლოდ საინფორმაციო მიზნებისთვის და არ წარმოადგენს რეკომენდაციას დაავადებების სამკურნალოდ.

რა არის კვლიავი?

ხშირად გაიგონებთ, რომ კვლიავი იგივე ძირაა. მაგრამ ეს არ შეესაბამება სიმართლეს. ასევე სხვადასხვა მცენარეებია ჩვეულებრივი კვლიავი და შავი კვლიავი.

ძირას ანუ Cumin-ის სამშობლო სამხრეთ აზიაა. ამ მცენარეს მძაფრი და "მძიმე" არომატი აქვს.

კვლიავის ანუ Caraway-ს სამშობლო აღმოსავლეთ ევროპაა. მას უფრო ციტრუსოვანი და დახვეწილი არომატი აქვს. საქართველოში მთებში ველურად იზრდება და თუშეთში სწორედ ამ სანელებლით (და არა - ძირათი) აკეთებენ ხინკალს.

შავი კვლიავის ანუ Nigella sativa-ს სამშობლოა დასავლეთ აზია და ხმელთაშუაზღვისპირეთი. მას პიკანტური, ცოტა მომწარო გემო აქვს (შავ პილპილის წააგავს) და სასიამოვნო არომატით გამოირჩევა (იყენებენ პარფიუმერიაშიც).

ესეც საინტერესოა:

👉 სანელებელი ჯანმრთელობისთვის - რომელი როდის გამოვიყენოთ?!

👉 მცენარეები და სანელებლები მუცლის ცხიმის დასაწვავად

👉 ნახშირი ჯანმრთელობისთვის

👉 სკრაბი ნაწლავებისთვის - თაფლის და სელის თესლის კოქტეილი