არ გადააგდოთ ნესვის ქერქი - მისი გამოყენების 5 უჩვეულო ხერხი

ნესვის ქერქი შეიცავს:

• C ვიტამინს — იმუნიტეტს აძლიერებს,
• თუთიას —კანის მდგომარეობას აუმჯობესებს,
• ბოჭკოს — საჭმლის მონელებას ეხმარება
• ქლოროფილს — ორგანიზმს წმენდს.

ახლა კი 5 ხერხი, როგორ ვაჩუქოთ ნესვის კანებს მეორე სიცოცხლე:

1. ტონიკი სახისთვის

ნესვის კანი კარგად გარეცხეთ, დაჭერით პატარა ნაჭრებად, დაასხით მინერალური წყალი (1:1), გააჩერეთ მაცივარში 2 საათით და გაწურეთ.

ნესვის ტონიკი ატენიანებს კანს, აღიავებს პიგმენტურ ლაქებს, ამცირებს ანთებას.

რჩევა: შეინახეთ მაცივარში არაუმეტეს 3 დღისა და სახე დილით და საღამოს გაიწმინდეთ.

2. ნესვის ქერქის ცუკატები

ნესვის კანს მოაჭერით მწვანე ფენა და ჩხირებივით დაჭერით. ნესვის ჩხირები ადუღებულ წყალში 3 წუთით ჩაყარეთ.

მოხარშეთ სიროფი (1 ჭიქა წყალი და 1 ჭიქა შაქარი)

ნესვის კანი სიროფში 30 წუთი ხარშეთ, შემდეგ ამოიღეთ და 80°C გახურებულლ ღუმელში 2 საათის განმავლობაში გააშრეთ.

ნესვის ცუკატები მდიდარია ბოჭკოთი და საჭმლის მონელებას ეხმარება.

3. ნესვის ბურახი

• 1 ცალი ნესვის ქერქი
• 3 ლ წყალი
• 100 გ შაქარი
• 10 გრ. საფუარი
• 5 გრ. ქიშმიში

მომზადება:

ნესვის ქერქს დაასხით წყალი, დაუმატეთ შაქარი, მიიყვანეთ ადუღებამდე და გააცივეთ. სითხეს დაუმატეთ საფუარი და ქიშმიში და დუღილისთვის 2 დღით დატოვეთ. 2 დღის შემდეგ ბურახი გაწურეთ და ბოთლებში ჩამოასხით.

გამოდის მსუბუქი, გამაგრილებელი სასმელი ნესვის ნაზი სურნელით.

4. სახვევი სახსრებისთვის

ნესვის ახალი ქერქი შიდა მხრიდან მტკივნეულ ადგილას დაიდეთ, სახვევით დაიმაგრეთ და 30-40 წუთით გაიჩერეთ. ნესვის სახვევი ხსნის შეშუპებას, ამცირებს ტკივილს ართრიტის დროს და აუმჯობესებს სისხლის მიმოქცევას.

5. ბუნებრივი სასუქი

ნესვის ქერქი ბლენდერში დააქუცმაცეთ და წყალი დაუმატეთ (1:3). გააჩერეთ ერთი კვირა, გაწურეთ და მცენარეები მორწყეთ.

ნესვის სასუქი ნიადაგს კალიუმით და აზოტით ამდიდრებს. განსაკუთრებით სასარგებლოა პომიდვრისა და წიწაკისთვის.

***

ნესვის სარგებლობა

ნესვის ჩირის მომზადება სახლის პირობებში