როგორ გავიგოთ, შეიცავს თუ არა საზამთრო ქიმიურ ნივთიერებებს?

მაშინაც კი, როცა საზამთრო გარეგნულად იდეალურად გამოიყურება, მის ზედაპირზე შეიძლება პარაზიტების კვერცხები და მავნე მიკროორგანიზმები ბუდობდნენ. ამიტომ საზამთრო გაჭრამდე აუცილებლად გარეცხეთ, წინააღმდეგ შემთხვევაში, ეს მავნე ნაწილაკები რბილობში ადვილად მოხვდება!

როგორ ამოვიცნოთ ქიმიური ნივთიერებებით გაჯერებული საზამთრო, რატომ არის საშიში მისი ჭამა და რას უნდა მივაქციოთ ყურადღება საზამთროს ყიდვისას?

საზამთროს არ უნდა ჰქონდეს:

• მბზინავი ქერქი — შესაძლოა მიუთითებდეს, რომ საზამთრო ხანგრძლივად შენახვისთვის ქიმიკატებით დაამუშავეს.
• მკვეთრი ფერის რბილობი, რომელსაც იისფერი დაჰკრავს — ხშირად ნიტრატების სიჭარბეზე მიუთითებს.
• თეთრი ან მოყვითალო ძარღვები — ესეც ქიმიური ნივთიერებების არსებობაზე მიანიშნებს.
• რბილობის არათანაბარი შეფერილობა — სასუქის სიჭარბეზე მეტყველებს.
• თითქოს წამლის გემო — ესეც ქიმიური ნივთიერებების არსებობის ნიშანია.

როგორ შევამოწმოთ საზამთრო სახლში?

ერთი მარტივი ხერხი ასეთია:

ჩააგდეთ რბილობის პატარა ნაჭერი წყლით სავსე ჭიქაში. თუ წყალი ვარდისფრად შეიღება, დიდი ალბათობით, საზამთრო ნიტრატებს შეიცავს. თუ წყალი გამჭვირვალე დარჩა, სავარაუდოდ, ნაყოფი უსაფრთხოა.

რა თქმა უნდა, იდეალური იქნება ხარისხიანი ნიტრატ-ტესტერის გამოყენება. ცნობისთვის, ნიტრატების დასაშვები ნორმა საზამთროში 60 მგ/კგ-მდეა.

როდის და სად შევიძინოთ საზამთრო?

საუკეთესო დრო საზამთროს შესაძენად აგვისტო და სექტემბერია, როცა ნაყოფი ბუნებრივად მწიფდება.

კატეგორიულად არ გირჩევთ ნაჭრებად დაჭრილი საზამთროს შეძენას - ისინი შესაძლოა იაფი ღირდეს, მაგრამ მავნე ბაქტერიებით სწრაფად ბინძურდება!

აქვე გაეცანით:

კარგი საზამთროს არჩევა - 5 პრაქტიკული რჩევა

რა წესები უნდა დავიცვათ, რომ საზამთროთი მოწამვლა ავირიდოთ თავიდან?

რას შეიცავს საზამთრო?