„დელფინი თითქოს სთხოვდა, უკან გამომყევიო,“ - დაუჯერებელი ამბავი, რომელიც იტალიელ მყვინთავს შეემთხვა

დელფინმა ენცოს გარშემო წრე დაარტყა და გაცურა, მყვინთავიც, შვილთან ერთად, უკან გაჰყვა. დაახლოებით, 15 მეტრის სიღრმეზე ენცომ მიტოვებულ ბადეში გაბმული მეორე დელფინი დაინახა.

როსანამ მამას მყვინთავის დანა მიაწოდა და მამა-შვილმა რამდენიმე წუთში შეძლო მახეში გაბმული დელფინის გათავისუფლება. ენცოს თქმით, გადარჩენილმა დელფინმა სიხარულისგან თითქმის ადამიანის მსგავსი ხმა ამოუშვა.

საქმე ისაა, რომ დელფინებს სხვა თევზებივით ლაყუჩები განვითარებული არ აქვთ, ამიტომ მათთვის ჰაერი სასიცოცხლოდ აუცილებელია. თუ 10 წუთის შემდეგ წყლის ზედაპირზე არ ამოყვინთა და ჰაერი არ ჩაისუნთქა, დელფინი უბრალოდ, დაიხრჩობა, ამიტომ ბადეში გაბმული დელფინის სიცოცხლე ბეწვზე ეკიდა.

ენცო და როსანა მეორე დელფინთან ერთად გადარჩენილ დელფინს წყლის ზედაპირზე ასვლაში დაეხმარნენ, რამდენიმე წუთის შემდეგ კი გაოგნებულებმა შენიშნეს, რომ ეს დედალი დელფინი იყო, რომელმაც მათ თვალწინ იმშობიარა და პატარა დელფინი გააჩინა.

მამა-დელფინი, რომელმაც ენცოს დახმარება თხოვა, მასთან მიცურდა და მადლიერების ნიშნად, ლოყაზე შეეხო. ის ცოტა ხანს მამა-შვილის გარშემო დაცურავდა, შემდეგ კი წავიდა.

„სანამ ადამიანი ბუნების პატივისცემას და ცხოველთა სამყაროსთან საუბარს არ ისწავლის, ის ვერასოდეს გაიგებს თავის ნამდვილ მნიშვნელობას დედამიწაზე!“ - ამბობდა ენცო მაიორკა.

ეს ამბავი 2009 წელს მოხდა. ლეგენდარული დაივერი ენცო მაიორკა 2016 წელს გარდაიცვალა, 85 წლის ასაკში. მან მთელი ცხოვრება გაატარა სირაკუზაში, რომელიც ქალაქი და ნავსადგურია იტალიაში, კუნძულ სიცილიის სამხრეთ-აღმოსავლეთ ნაწილში. 4 წლისამ დაიწყო ცურვა და მას შემდეგ წყალქვეშა სამყარო მისი მეორე სახლი გახდა.

ენცო მაიორკას ცხოვრების შესახებ შეგიძლიათ ნახოთ ლუკ ბესონის ფილმი „ლურჯი უფსკრული”/Le grand bleu (1988).

გირჩევთ, ესეც წაიკითხოთ:

ქართველი ზოოლოგის დაუჯერებელი ამბავი - იასონ ბადრიძის ცხოვრება მგლებთან

„ჩემი ცხოვრება სიკვდილის შემდეგ“ - ევერესტზე მიტოვებული ბეკ უეზერსის დაუჯერებელი ამბავი

მსოფლიოს 7 ყველაზე უიღბლო ქალის დაუჯერებელი ამბავი

წყარო: gazette.com