ურთიერთობა

რატომ არის მიტოვებული „ტიტანიკის“ ინვესტორის მდიდრული სასახლე?

funtime

18:00 ხუთ. 7 ოქტომბერი

პიტერ ვიდენერის სასახლე
14
დაკოპირებულია

224 მილიონ დოლარად შეფასებული სასახლე, რომელსაც „ამერიკული ვერსალი“ უწოდეს, აშშ-ში, პენსილვანიის შტატში მდებარეობს და მნახველს თავისი დიდებულებით აოცებს, თუმცა გასაოცარი ის უფროა, რომ მდიდრული ინტერიერის მქონე უზარმაზარი შენობა ცარიელი და მიტოვებულია. სასახლე 1900-იანი წლების დასაწყისში იმ დროს მსოფლიოში ყველაზე მდიდარმა ადამიანმა, პიტერ ვიდენერმა ააშენა, მაგრამ დროთა განმავლობაში, ის ყველას დაავიწყდა. ჩვენ გიამბობთ ამერიკის ერთ-ერთი უძველესი შენობის სამწუხარო ისტორიას.

სასახლე Lyneewood Hall 14 ჰექტარზეა გადაჭიმული. შენობაში 55 საძინებელი, 20 სველი წერტილი, დიდი დახურული აუზი, სამხატვრო გალერეა და სამეჯლისო დარბაზია, რომელსაც ერთდროულად ათასი ადამიანის დატევა შეუძლია.

მიტოვებული სასახლის სამწუხარო ისტორია ყველასთვის კარგად ცნობილ „ტიტანიკს“ უკავშირდება - პიტერ ვიდენერი გემის 20%-იანი ინვესტორი იყო, თუმცა პირველ მოგზაურობაში ასაკის გამო ვერ გაემგზავრა.

სამწუხაროდ, „ტიტანიკის“ ტრაგიკულ მოგზაურობაში მილიონერის ვაჟი, რძალი და შვილიშვილი გაემგზავრნენ. გემის ჩაძირვის დროს ვაჟი და შვილიშვილი დაიღუპნენ, რძალმა კი გადარჩენა მოახერხა.

პიტერ ვიდენერი ტრაგედიიდან სამი წლის შემდეგ გარდაიცვალა და უზარმაზარი ქონება უმცროს ვაჟს, ჯოზეფს დაუტოვა.

1943 წელს, ჯოზეფ ვიდენერის გარდაცვალების შემდეგ, მდიდრული სასახლე დაცარიელდა. ათი წლის შემდეგ ის ბიბლიის პრესვიტერიანული ეკლესიის დამფუძნებელმა კარლ მაკინტაირმა შეიძინა.

მაკინტაირმა სასახლე რელიგიურ სასწავლებლად გადააკეთა, მაგრამ არასაკმარისი ფინანსური დახმარების გამო 1992 წელს დახურულად გამოაცხადა. ოთხი წლის შემდეგ, მდიდრული სახლი, რომელსაც უკვე რემონტი ესჭიროებოდა, ნიუ იორკის პირველ კორეულ ეკლესიას უსასყიდლოდ გადაეცა.

საკმაოდ შელახული და სარემონტო სასახლეში შეგიძლიათ მე-16 საუკუნის ევროპული ფრესკები და ისეთი ცნობილი მხატვრების ნამუშევრები იხილოთ, როგორებიცაა იან ვერმეერი, რემბრანდტი, ელ გრეკო, მანე და სხვ.

იმის მიუხედავად, რომ Lyneewood Hall-ის მშენებლობა 1900 წელს 8 მილიონი დოლარი დაჯდა, რაც ახლა 224 მილიონი დოლარია, 2019 წელს ის აუქციონზე 20 მილიონ დოლარად გაიტანეს.

ცოტა ხნის წინ, სასახლის ღირებულება 11 მილიონ დოლარამდე შემცირდა.


სიახლეები ამავე კატეგორიიდან

ვინ იყო ოსვენციმის ერთადერთი ექიმი,...

გერმანელი ბიოლოგი ჰანს
მიუნხი

10 მწარე სიმართლე, რომელიც ადამიანს...

რა ძალა აქვს სიმართლეს?

ტრაგიკული ამბავი ბიჭისა, რომელსაც გ...

სქესის შეცვლის ტრაგიკული
ამბავი

გალაკტიონი და მისი ცხოვრების ქალები

გალაკტიონი

გელა ჩარკვიანი: ბავშვობიდან „მოვიპა...

გელა ჩარკვიანის
ბავშვობის მოგონებები

კრემლის ქართველი კონსულტანტ-ფსიქიატ...

ავლიპ ზურაბაშვილი
თანამშრონლებთან

სად გაქრა მსოფლიოში ყველაზე ჭკვიანი...

აინან კოული

ზიგმუნდ ფროიდი: ადამიანების 3 ტიპი,...

ზიგმუნდ ფროიდი

სსრკ-ის უკანასკნელი მოქალაქე, რომელ...

კოსმონავტი სერგეი
კრიკალევი