10 ფილმი, რომელიც წიგნზე უკეთესი გამოდგა

კინო

21 თებერვალი 18:00, 2018 წელი

უამრავი ცნობილი ლიტერატურული ნაწარმოების ეკრანიზაცია არსებობს. სამწუხაროდ, ფილმებში ყოველთვის ვერ ხერხდება გმირების მთელი განცდების გადმოცემა. თუმცა ამას ვერ ვიტყვით ამ 10 ფილმზე - ისინი პირველწყაროზე უკეთესებიც აღმოჩნდნენ.

***
ასევე ნახეთ:
8 შოკისმომგვრელი დოკუმენტური ფილმი - სამყაროს სხვა თვალისთ შეხედავთ!
10 ფილმი ოჯახური ცხოვრების კრიზისზე
13 ეროტიკული ფილმი მსოფლიო ვარსკვლავების მონაწილეობით (+18)

1. მებრძოლთა კლუბი (1999)/20th Century Fox
წიგნის ავტორი: ჩაკ პალანიკი. ფილმის რეჟისორი: დევიდ ფინჩერი



როცა ფილმი კინოგაქირავებაში გამოჩნდა, მას მაყურებელი და კინოკრიტიკოსები არაერთგვაროვნად შეხვდნენ. მხოლოდ 10 წლის შემდეგ უწოდეს ფილმს „ჩვენი დროის საუკეთესო საკულტო ფილმი“ და ციტატებადაც დაანაწევრეს, რომელთაგან მთავარი იყო: „მებრძოლთა კლუბის პირველი წესი, არავის მოუთხროთ მებრძოლთა კლუბის შესახებ“. ამ ფილმში როლები შეასრულეს: ედვარდ ნორტონმა, ბრედ პიტმა და ჰელენა ბონემ კარტერმა. თვით ჩაკ პალანიკმაც კი აღნიშნა, რომ ფილმის ფინალი ბევრად კარგი იყო, ვიდრე მისი წიგნის დასასრული.


2. ძაღლის გული (1988)/ლენფილმი  


წიგნის ავტორი: მიხეილ ბულგაკოვი. ფილმის რეჟისორი: ვლადიმერ ბორტკო



ძაღლის ადამიანად გადაქცევა პოლიტიკურ სატირად მიიჩნევა. მიხეილ ბულგაკოვმა „ძაღლის გული“ ჯერ კიდევ 1925 წელს დაწერა, მაგრამ ის ოფიციალურად მხოლოდ 1987 წელს დაიბეჭდა. ერთი წლის შემდეგ კი ვლადიმერ ბორტკომ მისი ეკრანიზაცია მოახდინა. ფილმმა საერთაშორისო კინოფესტივალებზე მრავალი ჯილდო დაიმსახურა.


3. ფორესტ გამპი (1994)/Paramount Pictures


წიგნის ავტორი: უინსტონ გრუმი. ფილმის რეჟისორი: რობერტ ზემეკისი



ფილმის მთავარი გმირი კეთილი და გულუბრყვილო ბიჭია, არადა წიგნში ის აუტანელ ცინიკოსად არის დახატული. რეჟისორმა ცოტათი გადაუხვია რომანის ფაბულას და ფორესტ გამპი უწყინარ ადამიანად დახატა - ასე ის მაყურებელში უფრო მეტ სიმპათიას გამოიწვევდა. ასეც მოხდა: ფილმმა „ოსკარის“ 6 ნომინაციაში გაიმარჯვა.


4. ვიღაცამ გუგულის ბუდეს გადაუფრინა (1975)/United Artists


წიგნის ავტორი: კენ კიზი. ფილმის რეჟისორი: მილოშ ფორმანი



ფილმიც და წიგნიც მთავარი გმირის შესახებ მოგვითხრობს, რომელიც ფსიქიატრიულ საავადმყოფოში ხვდება. ჯეკ ნიკოლსონის გმირი არ ეთანხმება იქ არსებულ რეჟიმს და ცდილობს, მას შეებრძოლოს. რომანის ეკრანიზაცია წიგნის ავტორმაც კი გააკრიტიკა. ამის მიზეზი „მთხრობელის“ მეორე პლანზე გადაყვანა გახდა. თუმცა, მიუხედავად ამისა, ფილმმა „ოსკარის“ 5 ჯილდო დაიმსახურა.



5. შინდლერის სია (1993)/Universal Studios


წიგნის ავტორი: ტომას კენილი. ფილმის რეჟისორი: სტივენ სპილბერგი



ფილმი ავსტრალიელი მწერლის ტომას კენილის რომანის „შინდლერის კიდობნის“ მიხედვით გადაიღეს. მასში ჰოლოკოსტისდროინდელი ამბებია აღწერილი. მთავარმა გმირმა, ოსკარ შინდლერმა პოლონეთსა და გერმანიაში საკონცენტრაციო ბანაკებიდან 1200 ებრაელი დაიხსნა. ეს ფილმი ისტორიაში ყველაზე ძვირად ღირებული შავ-თეთრი ფილმი გახდა.



6. დიდი გეტსბი (2013)/Warner Bros. Entertainment, Inc.


წიგნის ავტორი: ფრენსის სკოტ ფიცჯერალდი. ფილმის რეჟისორი: ბაზ ლურმანი



ფიცჯერალდის რომანის 5 ეკრანიზაცია არსებობს, მაგრამ 2013 წლის ფილმი განსაკუთრებულად კარგი გამოვიდა. და რისი ბრალია ეს - მთავარ როლში ლეონარდო დი კაპრიოს გამოჩენის თუ ძვირად ღირებული სპეცეფექტების? აშკარად ძნელი სათქმელია. მაგრამ დეიზისა და გეტსბის სიყვარულის ისტორია ნებისმიერ შემთხვევაში ყურადღებას იმსახურებს.


7. ნათლია (1972)/Paramount Pictures


 წიგნის ავტორი: მარიო პიუზო. ფილმის რეჟისორი: ფრენსის ფორდ კოპოლა



„ნათლია“ უდიდეს განგსტერულ ფილმად აღიარეს. მასში გავლენიანი მაფიოზური ოჯახის - კორლეონეების ისტორიაა ასახული. მარლონ ბრანდოს მიერ შესრულებული მთავარი როლი „ოსკარით“ აღინიშნა, თუმცა მსახიობმა ამერიკის ძირძველი მოსახლეობის დისკრიმინაციაზე პროტესტის ნიშნად მასზე უარი განაცხადა.


8. მექანიკური ფორთოხალი (1971)/Warner Bros. Entertainment, Inc.


წიგნის ავტორი: ენტონი ბერჯესი. ფილმის რეჟისორი: სტენლი კუბრიკი



ენტონი ბერჯესმა რომანის წერა მას შემდეგ დაიწყო, რაც მას თავის ტვინის სიმსივნე დაუდგინეს. რომანი-ანტიუტოპია ადამიანის აგრესიის რაობაზეა. ამ აგრესიას ციხეც კი ვერ ანელებს. სტენლი კუბრიკს თავიდან წიგნის ენა არ მოეწონა და გადაღებები  გაჭიანურდა. მაგრამ გარკვეული დროის შემდეგ გადაწყვეტილება შეცვალა და არც უნანია: „მექანიკურმა ფორთოხალმა“ 5 ჯილდო და 16 ნომინაცია დაიმსახურა.



9. მწვანე მილი (1999)/Warner Bros. Entertainment, Inc.


 წიგნის ავტორი: სტივენ კინგი. ფილმის რეჟისორი: ფრენკ დარაბონტი



მიუხედავად იმისა, რომ სტივენ კინგს „საშინელებათა მეფის“ სახელი აქვს გავარდნილი, „მწვანე მილში“ უფრო მეტად მისტიკა და უსასოობაა, ვიდრე კოშმარი. პოლ ეჯკომბი, ციხის ყოფილი ზედამხედველი, პატიმარ ჯონ კოფის ისტორიას გვიამბობს. ამ პატიმარს ზებუნებრივი უნარები ჰქონდა, მაგრამ ამ კეთილ ადამიანს, სამწუხაროდ, სასიკვდილო განაჩენი უსამართლოდ გამოუტანეს.


10. გაქცევა შოუშენკიდან (1994)/Castle Rock Entertainment


წიგნის ავტორი: სტივენ კინგი. ფილმის რეჟისორი: ფრენკ დარაბონტი



სტივენ კინგის ნამუშევრის კიდევ ერთი საკულტო ეკრანიზაცია, რომელსაც დიდი ხანია ყველა დროის საუკეთესო ფილმების სიაში ლიდერის პოზიცია უკავია. მკვლელობისთვის დაპატიმრებული ენდი დიუფრეინი უარს ამბობს სამუდამო პატიმრობის მოხდაზე და შოუშენკიდან გაქცევის საკუთარ გეგმას დიდი სიზუსტით  ახორციელებს.

NEW

„საქართველოს და დებატების ინსტიტუტი“ სკოლის მოსწავლეებსა, პედაგოგებსა და სტუდენტებში მასშტაბურ კვლევას იწყებს

„საქართველოს დებატებისა და განათლების ინსტიტუტი”, პროექტის „დებატები უკეთესი განათლებისთვის“ ფარგლებში, რომელიც მხარდაჭერილია გუდავაძე-პატარკაციშვილის ფონდის მიერ, ატარებს გრძელვადიან საგანმანათლებლო კვლევას დებატების ტექნიკის სწავლების გავლენის შესახებ დებატების კლუბის მონაწილეებსა და დებატების კლუბის ხელმძღვანელებზე.  
დღის ჰოროსკოპი

25 ნოემბრის ასტროლოგიური პროგნოზი

რას გვირჩევენ ვარსკვლავები 25 ნოემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

24 ნოემბრის ასტროლოგიური პროგნოზი

რას გვირჩევენ ვარსკვლავები 24 ნოემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

23 ნოემბრის ასტროლოგიური პროგნოზი

რას გვირჩევენ ვარსკვლავები 23 ნოემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

22 ნოემბრის ასტროლოგიური პროგნოზი

რას გვირჩევენ ვარსკვლავები 22 ნოემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

21 ნოემბრის ასტროლოგიური პროგნოზი

რას გვირჩევენ ვარსკვლავები 21 ნოემბრისთვის ჯანმრთელობის, ბიზნესის და სიყვარულის მიმართულებით?
NEW

ჯიპიაი ჰოლდინგი: ქალი მეწარმეების მხარდაჭრის პროგრამა გრძელდება!

• კომპანიები, რომელთა დამფუძნებელი ან გენერალური დირექტორი ქალია, სპეციალურ იშთავაზებით სარგებლობენ • 30% ფასდაკლება ქონების დაზღვევისას და ბიზნეს შეფერხების დაზღვევა საჩუქრად!
დღის ჰოროსკოპი

20 ნოემბრის ასტროლოგიური პროგნოზი

რას გვირჩევენ ვარსკვლავები 20 ნოემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

19 ნოემბრის ასტროლოგიური პროგნოზი

რას გვირჩევენ ვარსკვლავები 19 ნოემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

18 ნოემბრის ასტროლოგიური პროგნოზი

რას გვირჩევენ ვარსკვლავები 18 ნოემბრისთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

17 ნოემბრის ასტროლოგიური პროგნოზი

რას გვირჩევენ ვარსკვლავები 17 ნოემბრისთვის ჯანმრთელობის, ბიზნესის და სიყვარულის მიმართულებით?
NEW

„ვენის სადაზღვევო ჯგუფი“ – ევროპაში წარმატებული ექსპანსიის 30 წლიან ისტორია

200 წლის ისტორიის ავსტრიული კომპანიიდან აღმოსავლეთ ევროპის ბაზრის ლიდერობამდე.