ვინ იყო ექიმი, რომელმაც საშიში ექსპერიმენტი საკუთარ თავს ჩაუტარა?

fun time

16:00 შაბ. 28 აგვისტო, 2021 წელი

დაკოპირებულია

მე-20 საუკუნის 80-იან წლებში ექიმი ბარი მარშალი კვლევის ჩატარების პროცესში გადაუჭრელ პრობლემას წააწყდა: კოლეგები არ ეთანხმებოდნენ მარშალის თეორიას იმის შესახებ, რომ კუჭის წყლულს სტრესი კი არა, ბაქტერიის განსაკუთრებული სახეობა იწვევს.

მღრღნელებზე ჩატარებული ექსპერიმენტი მარცხით დასრულდა და მეცნიერმა გადაწყვიტა, თეორია საკუთარ თავზე გამოეცადა, რადგან ექსპერიმენტში ხელქვეითების ჩართვა ეთიკურად გაუმართლებელი იქნებოდა.

ექიმმა მარშალმა ბაქტერია Helicobacter Pyolori-ის შემცველი სითხე დალია და შედეგს დაელოდა.
მალე მისი თეორიის დამადასტურებელი პირველი სიმპტომებიც გამოჩნდა.

იმისთვის, რომ ოპონენტებისთვის საკუთარი სიმართლე დაემტკიცებინა, ბარი მარშალი ტანჯვასა და ტკივილს ნებაყოფლობით დასთანხმდა და ამისთვის, თავის კოლეგა რობინ უორენთან ერთად, 2005 წელს ნობელის პრემიით დაჯილდოვდა.