დესერტი

მარწყვის ჯემი ჟელატინით

fun time

18:01 შაბ. 13 აპრილი

მარწყვის ჯემი ჟელატინით

14
დაკოპირებულია

მარწყვის სეზონი მოახლოვდა, ამიტომ გვინდა, შემოგთავაზოთ გემრიელი და სურნელოვანი მარწყვის ჯემის მარტივი რეცეპტი. ამ რეცეპტით მომზადებული მარწყვის ჯემი საოცრად არომატულია, გემრიელია და იდეალურია შიგთავსია ნამცხვრებისა და კექსებისთვის. 

საჭირო პროდუქტი:

  • მარწყვი - 1 კგ.
  • შაქარი - 800 გრ.
  • ჟელატინი - 20 გრ.
  • ლიმონმჟავა

მომზადების წესი:

მარწყვი ცივ წყალში გარეცხეთ, ყუნწები მოაცილეთ და თუშფალანგზე დატოვეთ, რათა წყალი დაიწუროს.

ამის შემდეგ მარწყვი ბლენდერში გადაიტანეთ და ერთგვაროვან პიურედ აქციეთ.

(შეგიძლიათ, მარწყვის პიურე საცერში გაატაროთ და რბილობის ნარჩენები მოაშოროთ. ასე უფრო გლუვი და გამჭვირვალე იქნება ჟელე).

მარწყვის პიურე სქელძირიან ქვაბში ჩაასხით, შაქარი დააყარეთ და კარგად აურიეთ.

მარწყვიანი ქვაბი დაბალ ცეცხლზე დადგით და გამუდმებული მორევით ადუღებამდე მიიყვანეთ (არ უნდა ადუღდეს). ამის შემდეგ ქვაბი ცეცხლიდან გადმოდგით და 25-30 წუთი ოთახის ტემპერატურაზე დატოვეთ.

🍓

ჟელატინი პატარა ჯამში ჩაყარეთ, 50 მლ. თბილი წყალი დაუმატეთ, კარგად აურიეთ და 10-15 წუთი დატოვეთ, რომ გაფუვდეს.

🍓

ამასობაში გარეცხილი მინის ქილები ღუმელში შედგით და 110-120 გრადუსზე, 7-10 წუთის განმავლობაში გაასტერილეთ. ამის შემდეგ ქილები გააგრილეთ.

🍓

გაფუებული ჟელატინი მარწყვის ჯემს დაუმატეთ, კარგად აურიეთ და დაბალ ცეცხლზე დადგით. ჯემი ადუღებამდე რომ მივა, ლიმონმჟავა დაუმატეთ, კარგად აურიეთ, კიდევ 2-3 წუთი ადუღეთ და ქვაბი ცეცხლიდან გადმოდგით.

ცხელი ჯემი ჩაასხით გასტერილებულ ქილებში და ოთახის ტემპერატურაზე დატოვეთ, სანამ მთლიანად არ გაგრილდება.

ამის შემდეგ ქილები მაცივარში ან გრილ ადგილზე შეინახეთ.

გემრიელად მიირთვით!

ესეც საინტერესოა:

მარწყვის სასარგებლო თვისებები

10 საინტერესო ფაქტი მარწყვზე

მარწყვის ტარტის რეცეპტი


სიახლეები ამავე კატეგორიიდან

სახლის ლიმონათი პიტნით - გამაგრილებ...

სახლის ლიმონათი პიტნით

ბაბუაწვერას მურაბა - სარგებელი და მ...

ბაბუაწვერას მურაბა

Crazy Cake - შოკოლადის სამარხვო ტორ...

Crazy Cake - შოკოლადის სამარხვო
ტორტი

ფრანგული ვაშლის ნამცხვარი დარიჩინით

ვაშლის ნამცხვარი
დარიჩინით

სწრაფი დესერტი ცხობის გარეშე - ალუბ...

სწრაფი დესერტი - ალუბლები
ვაფლით

კანოლი - სიცილიელი მაფიოზების საყვა...

კანოლი

ლიქიორი ბეილისი - სადღესასწაულო სუფ...

ბეილისის რეცეპტი

იაპონური ხრიკი - როგორ დავატკბოთ მჟ...

როგორ დავატკბოთ მჟავე
მანდარინი 10 წუთში?

ნამცხვარი გირჩი - მარტივი დესერტი ც...

ნამცხვარი გირჩი