ვაშლის ნამცხვარი არაჟნის კრემით

საჭირო პროდუქტი:

• ვაშლი - 1 კგ
• ფქვილი - 2 ჭიქა
• კარაქი - 150 გრ
• არაჟანი - ნახ.ჭიქა
• სოდა - ნახ.ჩ/კ
• ძმარი - 1 ჩ/კ
• კვერცხი - 1 ცალი
• შაქარი - 1 ჭიქა

მომზადების წესი:

1. ორი სუფრის კოვზი ფქვილი კრემისთვის შეინახეთ, დანარჩენი კი ოთახის ტემპერატურაზე დარბილებულ კარაქთან ერთად აზილეთ. დაუმატეთ ნახევარი ჭიქა წყალი, ძმრიანი სოდა და რბილი ცომი მოზილეთ, რომელიც ხელზე არ მიგეკრობათ;
2. ვაშლი გარეცხეთ, გაასუფთავეთ და თხელ ნაჭრებად დაჭერით (ეცადეთ, მჟავე და ტკბილი ვაშლის ჯიშები შეარჩიოთ);
3. ცომი გააბრტყელეთ, ცხიმწასმულ ფორმაში გადაიტანეთ და დაჭრილი ვაშლი მოალაგეთ;
   
   ახლა არაჟნის კრემის მომზადების დროა:
   
   
4. ერთმანეთში აურიეთ და მიქსერით კარგად ათქვიფეთ შაქარი, არაჟანი, კვერცხი და 2 ს/კ ფქვილი. მიიღებთ თხელი კონსისტენციის კრემს, რომელიც ვაშლის ნაჭრებს უნდა დაასხათ;
5. ნამცხვარი 200 გრადუსზე გახურებულ ღუმელში მოათავსეთ და 40-50 წუთის განმავლობაში აცხვეთ;
6. კარგად რომ გაცივდება, შარლოტკა ფორმიდან ამოიღეთ და თავზე შაქრის პუდრა მოაყარეთ.

გემრიელად მიირთვით!