ამბობენ, რომ გველი არასდროს გადაცოცდება შალის თოკზე. მართალია თუ არა ეს და რით აიხსნება?
19:18 ოთხ. 15 ნოემბერი, 2023 წელი
ამბობენ, რომ თუ ღამე უტყეო, სწორ, ბალახით დაფარული სივრცეში დარჩენა მოგიწიათ, გველებისგან თავის დასაცავად, იმ ადგილს, სადაც ღამეს გაათევთ, შალის თოკი უნდა შეამოავლოთ. ერთი შეხედვით, წარუმატებელი იდეაა - როგორ შეაჩერებს ჩვეულებრივი თოკი გველს, რომელიც ხეებზეც კი ძვრება? მაგრამ არსებობს ამ ვერსიის რამდენიმე ახსნა სიზუსტის სხვადასხვა ხარისხით, რომელს დაიჯერებთ და დაიჯერებთ თუ არა საერთოდ, თქვენი გადასაწყვეტია...
ერთ-ერთი ვერსიის თანახმად, ქვეწარმავალი თოკს სხვა გველს ამსგავსებს და მასზე გადაცოცებას ერიდება, თუმცა ეს ვერსია ნაკლებად სარწმუნოა - გველები იმდენად ჭკვიანები არიან, რომ გარეგნული მსგავსების მიუხედავად, განსხვავების დანახვა შეუძლიათ.
იქნებ შალის თოკის საშუალებით გველებისგან დაცვაზე შეთხზული ისტორიები მხოლოდ ზღაპრებია?
მთლად ასეც არ არის, რადგან თუ შალის ძაფს გამადიდებელი შუშით ან მიკროსკოპით დააკვირდებით, დაინახავთ, რომ მისი „ეკლებიანი“ სტრუქტურა ტანკსაწინააღმდეგო ზღარბს წააგავს. სავარაუდოდ, სწორედ ამიტომ არ უყვართ მწერებს შალის თოკებში ცოცვა, მაგრამ ნაკლებად სავარაუდოა, რომ გველი ასეთმა დაბრკოლებამ გააჩეროს.
იქნებ შალის შემადგენლობაში იმალება ის, რაც ქვეწარმავლებს აფრთხობს?
როგორც ცნობილია, შალის თოკი ცხვრის მატყლისგან მზადდება, ცხვარი კი გველის ბუნებრივი მტერია. ის ქვეწარმავალს ფეხებით თელავს და მის სოროს ანადგურებს, ამიტომ გველები ცხვარს თითქმის კილომეტრის მანძილზე გრძნობენ და ერიდებიან. სწორედ ცხვართან მტრობის გამო გაურბის გველი შალის თოკის სუნს და მასთან შეხებას. ასე უდაბნოში და სტეპში შალის თოკი ქვეწარმავლებისგან ნამდვილად დაგიცავთ, თუმცა მხოლოდ თოკის იმედად დარჩენაც სარისკოა.
ესეც საინტერესოა:
გველის ნაკბენი - პირველადი დახმარება
სიახლეები ამავე კატეგორიიდან
