ბეთჰოვენის მუსიკა კიბოს უჯრედების სიცოცხლისუნარიანობას ამცირებს

მკვლევართა ჯგუფმა აღმოაჩინა, რომ ბეთჰოვენის მე-5 სიმფონიამ და, ასევე, თანამედროვე კლასიკური მუსიკის უნგრელ-ავსტრიელი კომპოზიტორის დიერდ ლიგეტის „„ატმოსფეროებმა“ 48 საათის შემდეგ MCF-7 და MDA-MB-231 -ის ტიპის უჯრედების ცოცხლისუნარიანობა შეამცირა.

მეცნიერებმა დაადგინეს, რომ კიბოს უჯრედების სიკვდილი აპოპტოზის გზით მიმდინარეობს. ამ პროცესში p53 ცილა და ფერმენტი კასპაზა-3 მონაწილეობენ. ეს იგივე ნივთიერებებია, რომლებიც აქტიურდებიან აპოპტეოზის დროს სმენის უჯრედებში ინტენსიური ხმაურის ზემოქმედებით.

მიუხედავად იმისა, რომ სიმფონიური ორკესტრის გამოყენება ქიმიოთერაპიის ნაცვლად ჯერ კიდევ შორეული პერსპექტივაა, აღნიშნული კვლევა კიდევ ერთხელ ადასტურებს, რომ მუსიკას ორგანიზმზე რეალური ბიოლოგიური ზემოქმედება აქვს.

ახალი კვლევა ჯერ საწყის ეტაპზეა, მეცნიერები ამ ფენომენის შესწავლის მიზნით შემდგომ ექსპერიმენტებს გეგმავენ.
როგორც ჩანს, უჯრედების პასუხი მუსიკაზე არა მხოლოდ ხმის ბუნებაზე, არამედ თავად უჯრედების ტიპზეცაა დამოკიდებული, რაც მუსიკის ბიოლოგიური გაგების ახალ გზებს ხსნის.

ესეც საინტერესოა:

ახალი კვლევა - ჭიანჭველებს კიბოს პოვნა შეუძლიათ

რატომ ცეკვავს კობრა მუსიკის ხმაზე?

იშვიათი დაავადება - გოგონას კაცების ხმა აღარ ესმის

წყარო: pmc.ncbi.nlm.nih.gov