რატომ არის მნიშვნელოვანი საქორწინო ბეჭდის ტარება!?

სოციოლოგიური კვლევების შედეგები

სოციოლოგიური გამოკითხვების თანახმად, მათი რიცხვი, ვინც საქორწინო ბეჭედს ატარებს და მათი, ვისაც ბეჭდის გარეშე ყოფნა ურჩევნია, დაახლოებით თანაბარია, თუმცა ამ საკითხზე ქალებისა და მამაკაცების აზრი მნიშვნელოვნად განსხვავდება.

ქალების 91%-ს ურჩევნია, სტატუსი ღიად გამოხატოს, ამიტომ საქორწინო ბეჭდის ტარებისთვის მზადაა, განსხვავებით მამაკაცებისგან, რომელთა 90 პროცენტი ბეჭედს არ ატარებს. ფსიქოლოგები ამაში ქორწინებისთვის საფრთხეს და ურთიერთობაში არასტაბილურობას ხედავენ. ამ თემაზე შეერთებულ შტატებში რამდენიმე კვლევაც კი ჩატარდა.

შედეგების თანახმად:

ა) ვინც საქორწინო ბეჭედს არ ატარებს, მსუბუქი ფლირტისთვის პოტენციურად მზად არიან - ფაქტობრივად, ეს ადამიანები ღალატისთვის ემზადებიან.

ბ) ზოგი მამაკაცის ქვეცნობიერი თავისუფლების დაკარგვას ვერ ეგუება. მისთვის ბეჭდის უარყოფა ამბოხების პატარა აქტია, რომელიც თვითშეფასების აღდგენაში ეხმარება. ეს არ ნიშნავს, რომ განქორწინებაზე ოცნებობს, მას უბრალოდ სურს, რომ ყოველგვარი ვალდებულებისგან თავისუფალი ჩანდეს.

ასეა თუ ისე, ბეჭედზე უარის თქმა შეიძლება ცუდ ნიშნად ჩაითვალოს, მაშინაც კი, როცა ამას ბანალური, ფსიქოლოგიურ საფუძვლებს მოკლებული მიზეზი აქვს.

მაგალითად, ზოგი ადამიანი საქორწინო ბეჭედს ვერ ატარებს, რადგან ხელებით, ფიზიკურად მუშაობს. ზოგჯერ მას სხვადასხვა მანქანა-დანადგართან და აღჭურვილობასთან მუშაობა უწევს, უსაფრთხოების წესები კი ხელებზე სამკაულებით მუშაობას კრძალავს.

***

ფენ-შუის მიხედვით საქორწინო ბეჭდის ტარებას საინტერესო ენერგეტიკული დატვირთვა აქვს.

ფენ-შუის მიხედვით, არათითი, რომელზედაც ბეჭედს ვატარებთ, სიყვარულს, შემოქმედებასა და ემოციურ კავშირს უკავშირდება. ითვლება, რომ ამ თითიდან პირდაპირი არხი გულამდე მიდის.

ფენ-შუი დიდ ყურადღებას აქცევს ბეჭდის მასალას, რომელიც პირად ენერგიაზე ახდენს გავლენას:

ოქრო განასახიერებს მზეს, სიმდიდრეს და სიცოცხლისუნარიანობას. ის აძლიერებს „იან“ (აქტიურ) ენერგიას.

ვერცხლი/პლატინა დაკავშირებულია მთვარესთან, სიმშვიდესთან და სიწმინდესთან.

ძვირფასი ქვები, მაგალითად, ბრილიანტი ითვლება სიწმინდისა და გამძლეობის სიმბოლოდ, რაც ქორწინებას სიმტკიცეს მატებს.

ფენ-შუის სპეციალისტები მიიჩნევენ, რომ საქორწინო ბეჭედი მოქმედებს როგორც დაცვა. ის თქვენ გარშემო სიმბოლურ წრეს ქმნის, რომელიც თქვენს პირად სივრცეს და პარტნიორულ ურთიერთობას გარე ნეგატივისგან იცავს. თუ ბეჭედი ორივე პარტნიორს უკეთია, ეს წყვილს შორის სიმეტრიას და ენერგეტიკულ წონასწორობას ქმნის.

ფენ-შუის მიხედვით, საქორწინო ბეჭედი თქვენს პირად ენერგიას ატარებს. მისი სხვისთვის დროებით გადაცემა ენერგეტიკულ დაბნეულობას იწვევს. ბეჭედი ყოველთვის უნდა ბზინავდეს - ჭუჭყიანი ან გაშავებული ლითონი „დაბინძურებულ“ ენერგიას ნიშნავს.

დაბოლოს, თუ ენერგიების გჯერათ, ფენ-შუი ამბობს, რომ ბეჭედი ერთგვარი „დამუხტული თილისმაა“ თქვენი ოჯახური ბედნიერებისთვის.

***

რატომ იკეთებს მართლმადიდებელი საქორწინო ბეჭედს მარჯვენა ხელზე? - საინტერესო ფაქტები

საიდან შემოვიდა საქორწინო თაიგულის სროლის ტრადიცია?

როგორ მივხვდეთ საქორწილო ფოტოებით, რომ წყვილი მალევე განქორწინდება