იშვიათი დაავადება - გოგონას კაცების ხმა აღარ ესმის

ჩენის მონაყოლიდან გაირკვა, რომ გოგონამ დილას მეგობარი ბიჭის საუბრიდან ვერც ერთი სიტყვა ვერ გაიგო და მაშინვე საავადმყოფოს მიმართა. ექიმებმა გოგონა გამოიკვლიეს და დაადგინეს, რომ მას „დაბალი სიხშირის სმენის დაქვეითება“ ჰქონდა - პაციენტს შესანიშნავად ესმოდა ექიმი ქალების ხმა, მაგრამ მამაკაცების საუბრიდან ერთი სიტყვაც ვერ გაიგო (ბოხ ხმას უფრო დაბალი სიხშირე აქვს).

დაბალი სიხშირის სმენის დაკარგვა საკმაოდ იშვიათი დაავადებაა, რომელიც 13000-დან ერთ პაციენტში გვხვდება. ექიმების ვარაუდით, ჩენის შემთხვევაში პათოლოგიის განვითარების მიზეზი გადატანილი სტრესი გახდა.

ამ დაავადების დროს პაციენტის ყური, მამაკაცის ხმის გარდა, სხვა დაბალი სიხშირის ხმების აღქმის უნარსაც კარგავს (მაგალითად, მაცივრის გუგუნი).

ჩენის მონაყოლიდან გაირკვა, რომ ინციდენტამდე გოგონას გარკვეული დროის განმავლობაში გვიან ღამემდე მუშაობა მოუწია და გამოძინება ვერ მოახერხა. ექიმის დასკვნის თანახმად, სტრესის ეს დონე სრულიად საკმარისია დაავადების გამოსაწვევად.

ჩენის თქმით, დაძაბული მუშაობის შემდეგ ის გულისრევის შეგრძნებამ და ყურებში ხმაურმა შეაწუხა, მაგრამ სიმპტომებს ყურადღება არ მიაქცია და ჩათვალა, რომ გამოძინების შემდეგ თავს უკეთ იგრძნობდა. რა მოხდა დილით, უკვე ვიცით...

პრობლემის აღმოჩენისთანავე საავადმყოფოში წასვლით, ჩენის გამოჯანმრთელების შანსები მნიშვნელოვნად გაიზარდა. ახლა გოგონა მკურნალობის პროცესს გადის და სჯერა, რომ ახლო მომავალში გაიგებს საყვარელი ადამიანის ხმას.

ასევე, საინტერესოა:

ვარდენბურგის სინდრომი - როცა ლამაზი თვალები დაავადების სიმპტომია

ძილის ვირუსი - წინა საუკუნის ერთ-ერთი ამოუცნობი დაავადება

ბრტყელტერფიანობა - შეიძლება თუ არა სერიოზული დაავადებების მიზეზი გახდეს?!

წყარო: www.dailymail.co.uk