მსოფლიოში ყველაზე ლამაზი კატა გამოავლინეს

ბაკარდიმ ჟიურის წევრები არა მხოლოდ ვერცხლისფერ-ცისფერი ბეწვით, არამედ მშვიდი, თითქმის არისტოკრატიული ქცევით მოხიბლა.

ბაკარდის პატრონმა განაცხადა, რომ კატა მკაცრი გრაფიკით ცხოვრობს და ყოველ დილას ფანჯარასთან ადგილს იკავებს ჩიტებზე დასაკვირვებლად. მას სათამაშო თაგვებითა და ბურთებით თამაშიც უყვარს.

რუსული ცისფერი ცნობილია თავისი მბზინავი ბეწვით და მწვანე თვალებით. ეს კატები იდეალურ კომპანიონებად ითვლებიან - ისინი პატრონების განწყობას საოცრად გრძნობენ, ესმით მათი ჟესტები და ინტონაციები, მაგრამ ამავდროულად, დამოუკიდებლები რჩებიან.

ამ კატებს არც მცირეწლოვან ბავშვებთან და სხვა კომპანიონ ცხოველებთან თანაცხოვრება უჭირთ. ჰიპოალერგიული ბეწვი მათ ალერგიით დაავადებული ადამიანებისთვისაც შესაფერის თანამგზავრად აქცევს.

რუსულ ცისფერებს ზედმეტი ყურადღება არ მოსწონს და უპირატესობას სიმშვიდეს და დისტანციურ ურთიერთობას ანიჭებენ.

ბაკარდის გამარჯვება არა მხოლოდ ერთი ფისოს წარმატება, არამედ ჯიშის აღიარებაც იყო. მშვიდი, ელეგანტური, საოცარი შეფერილობის ფისო კატების მოყვარულთა ყურადღებას იპყრობს.

ჯიშისთვის დამახასიათებელი ძირითადი თვისებებია: მეგობრულობა, გონიერება, ცნობისმოყვარეობა, დამოუკიდებლობა, თავშეკავება, ელეგანტურობა, სიმშვიდე.

***

რომელი ჯიშის კატა ცოცხლობს ყველაზე დიდხანს?

კვლევა: კატას იმ ადამიანთან ურჩევნია ყოფნა, ვისაც ის დიდად არ უყვარს

რატომ არ უყვარს კატას ბანაობა?