ჩინეთის დიდ კედელში 100-ზე მეტი საიდუმლო კარი აღმოაჩინეს

სულ ახლახან ჩინეთის ქალაქ ტიანზინის უნივერსიტეტის მკვლევრებმა ჩინეთის დიდ კედელში 130 საიდუმლო გასასვლელი აღმოაჩინეს.

გამოცემა Xinhua -ის ინფორმაციით, ამისათვის საჭირო გახდა ფოტოგადაღებები გამადიდებელი კამერით, რომელიც, დაახლოებით, ერთი სანტიმეტრის ზომის დეტალების ამოცნობის საშუალებას იძლევა.

თითოეული საიდუმლო კარი ისეა დაპროექტებული, რომ ადგილობრივ ტოპოგრაფიას შეესაბამება. საუკუნეების წინ ამ საიდუმლო კარებს მზვერავები და ვაჭრები იყენებდნენ.

მინის დინასტიის (1368-1644) ისტორიულ დოკუმენტებში წერია, რომ მომთაბარე ტომებს უფლება აქვთ, საიდუმლო გასასვლელები ცხოველების საძოვრად გასაყვანად გამოიყენონ. ზოგი კარი იმდენად დიდია, რომ მასში ერთდროულად ორი ცხენი გაივლის.

მეცნიერებმა აღნიშნეს, რომ საიდუმლო გასასვლელების აღმოჩენა ჩინეთის დიდი კედლის არქიტექტურული მექანიზმის უკეთ გაგების საშუალებას იძლევა. ცნობილია, რომ კედლის შიდა მხარე აგურითაა ამოშენებული. გამორიცხული არ არის, რომ კედლის მიღმა კიდევ ბევრი საიდუმლო კარი იმალებოდეს. ომის დროს კედლის დამცველებს შეეძლოთ, აგური გამოენგრიათ, კარი გაეღოთ და მტრისთვის მოულოდნელ ადგილზე შეეტიათ.

ესეც დაგაინტერესებთ:

გინახავთ ჩინეთის „ვენეცია“?

ჩინეთი და იაპონია - განსხვავებები ყოველდღიურ ცხოვრებაში

წყარო: global.chinadaily.com.cn