ძროხის შარდი და კორონავირუსი - უცნაური მეთოდები ვირუსის წინააღმდეგ

ინდოეთი

ისევე, როგორც ბევრ უძველეს კულტურაში, ინდოეთში ძროხა ოდითგანვე მარჩენალ ცხოველად ითვლებოდა. ძროხის ყოლა რძის, რძის ნაწარმისა და საწვავის (ნეხვის) წყაროს ნიშნავდა, ამიტომ მისი მოკვლა მთელი ოჯახის გაღატაკებას უდრიდა.
ინდოელებს სწამთ, რომ ძროხას მხოლოდ ადამიანის რჩენა კი არა, მისი მკურნალობაც შეუძლია. ამიტომ მიიჩნევენ, რომ ძროხის შარდს, უკვდავების წყაროს მსგავსად, ყველა დაავადების განკურნება შეუძლია, მაგრამ შარდი მხოლოდ „უბიწო“ ძროხის უნდა იყოს და მისი დალევა მზის ამოსვლამდე უნდა მოასწროთ.

თურქმენეთი

თურქმენეთის პრეზიდენტმა გადაწყვიტა, რომ ვირუსებთან ბრძოლა ექიმებზე და ინფექციონისტებზე უკეთ შეუძლია და მოსახლეობას კორონავირუსთან ბრძოლის სტრატეგია შესთავაზა, რომლის თანახმად, საცხოვრებელი სივრცე ჰარმალას (Peganum harmala) კვამლით უნდა დამუშავდეს და ეს ნებისმიერი ვირუსისგან დაგიცავთ.

სახელმწიფოს მეთაურის თქმით, ამ მცენარეს საოცარი სამკურნალო თვისებები აქვს. გარდა ამისა, თურქმენების წინაპრები ასეთ მნიშვნელოვან რიტუალს ყოველი მნიშვნელოვანი მოვლენის წინ ატარებდნენ, ხოლო წინაპრები არასდროს ცდებიან.

ჩეჩნეთი

კორონავირუსთან ბრძოლის საკუთარი მეთოდები ჩეჩნეთის ლიდერსაც აქვს. რამზან კადიროვმა თანამემამულეებს ურჩია, რომ სიმშვიდე შეინარჩუნონ და რაც შეიძლება მეტი ლიმონიანი და თაფლიანი წყალი და ნიორი მიირთვან, რომელიც სისხლს წმენდს.

🔰🔰🔰:

ძილის ვირუსი - წინა საუკუნის ერთ-ერთი ამოუცნობი დაავადება