იაპონელებმა შექმნეს გაზეთი, რომელიც წაკითხვის შემდეგ შეგიძლიათ, მიწაში ჩარგოთ და იყვავილებს

საინტერესო სტატიების გაცნობის გარდა, „მწვანე გაზეთი“ თავის მკითხველს ლამაზი და სურნელოვანი ყვავილებითაც გაახარებს. ამისთვის საჭიროა გაზეთის დახევა, მიწაში ჩარგვა და პერიოდულად მორწყვა. გარკვეული დროის შემდეგ გაზეთი ყვავილობას დაიწყებს.

იაპონური საზოგადოება საინტერესო გარემოსდაცვით ინიციატივას სიხარულით შეხვდა. რა თქმა უნდა, „მწვანე გაზეთი“ სასწრაფოდ დაიტაცეს, მათაც კი, ვინც ადრე Mainichi Newspapers -ის მკითხველი არ იყო. კრეატიული იდეის განხორციელების შედეგად, გაზეთის ტირაჟი მნიშვნელოვნად გაიზარდა და დღეში 4 მილიონზე მეტ ეგზემპლარს მიაღწია, რამაც კომპანიას, დაახლოებით, 700 ათასი დოლარის მოგება მოუტანა.

ექსპერიმენტის მსვლელობისას „მწვანე გაზეთის“ გამომცემლები კიდევ ერთხელ დარწმუნდნენ, რომ გაზეთს შეუძლია გადაწყვიტოს გადამუშავების პრობლემა, შეამციროს ატმოსფეროში ნახშირორჟანგის გამონაბოლქვი და ხალხის ყურადღება მიიპყროს.