მხოლოდ ერთი ასო - გეოგრაფიული ადგილების ყველაზე მოკლე დასახელებები

1. სოფელი „ა“ - ნორვეგია

„ა“ ნორვეგიის, ლოფოტენის მუნიციპალიტეტის მეთევზეთა სოფელი და ტურისტების საყვარელი ადგილია. სოფელში ძირითადად, შებოლილ თევზს აწარმოებენ. „ა“-საკუთარი თევზის მუზეუმი აქვს.

2. მდინარე „დ“ - აშშ

მდინარე, სახელად „დ“ აშშ-ს ორეგონოს შტატის ქალაქ ლინკოლნში მოედინება. ოდესღაც უსახელო, 440 ფუტი (130 მ) სიგრძის მდინარე გინესის რეკორდების წიგნში მოხვდა, როგორც მსოფლიოს ყველაზე მოკლე. „დ“-მ ტიტული 1989 წელს დაკარგა, როდესაც გინესის რეკორდების წიგნმა მსოფლიოში ყველაზე მოკლე მდინარედ მონტანას შტატის მდინარე როუ დაასახელა.

3. მდინარე „ე“ - დიდი ბრიტანეთი

ეს მდინარე შოტლანდიის მთიან რეგიონებში მოედინება. მისი სათავე ლოხ-ნესის ტბის სამხრეთ-აღმოსავლეთით მდებარეობს. მდინარე ჩრდილო-დასავლეთის მიმართულებით მიედინება და, დაახლოებით, 10 კმ-ის (6 მილი) გავლის შემდეგ მჰორის ტბაში ჩაედინება. მდინარე ე-ს ყველაზე მოკლე მდინარის სახელი აქვს შოტლანდიაში და მის ფარგლებს გარეთ.

4. სოფელი "Å" - შვედეთი

Å (გამოითქმება, როგორც აი) შვედეთში, ოსტერგეტლანდის საგრაფოში მდებარე პატარა სოფელია. მისი მოსახლეობა დაახლოებით 200 ადამიანს შეადგენს. შვედეთში სულ მცირე, 12 სხვა ადგილია ანალოგიური სახელწოდებით და მათი უმეტესობა ფერმები ან სახლებია. სოფელში ხშირად შეხვდებით ტურისტს, რომლის მიზანი სოფლის სახელის აღმნიშვნელი აბრის ფოტოზე აღბეჭდვაა.

5. სოფელი „Y“ - საფრანგეთი

ეს სოფელი ჩრდილოეთ საფრანგეთში, სომის დეპარტამენტში მდებარეობს და მას მსოფლიოში ყველაზე მოკლე დასახელება აქვს. Y -ს მცხოვრებლები საკუთარ თავს „Ypsilonien(ne)s“-ს (ი ფსილონელები) უწოდებენ. სოფელი Y ქალაქ ამიენიდან აღმოსავლეთით, 32 მილის (50 კმ) დაშორებით, მდებარეობს.