მსოფლიოში ყველაზე საშიში ხელნაწერი, რომელიც კლავს

საქმე ისაა, რომ მარია კიურიმ ქმართან, პიერ კიურისთან ერთად რადიოაქტიური ელემენტები პოლონიუმი და რადიუმი აღმოაჩინა და რადიოაქტიური იზოტოპების იზოლაციის მეთოდები შეიმუშავა.

რადიუმის აღმოჩენის დროს ცოლ-ქმარს წარმოდგენა არ ჰქონდა, რა ზიანის მიყენება შეეძლო რადიუმს ადამიანისთვის. შესაბამისად, ამ ქიმიურ ელემენტთან მუშაობის დროს მეცნიერებს არავითარი დამცავი ზომები არ გამოუყენებიათ და რადიუმის ნიმუშებს ჯიბით მშვიდად ატარებდნენ.

„რადიაციის დედა“ მარია კიური 1934 წელს, აპლასტიკური ანემიით გარდაიცვალა, ეს კი რადიაციული დასხივებით გამოწვეული სისხლის დაავადებაა.

მარიას გარდა, ლეიკემიითა და სხვა მსგავსი დაავადებებით გარდაიცვალა ბევრი სხვა მეცნიერი, რომელიც ცოლ-ქმარ კიურებთან მუშაობდა.

ლაბორატორიაში მუშაობის დროს მეცნიერმა ქალმა რადიაციის უზარმაზარი დოზა მიიღო და მოსიარულე რადიოაქტიურ „ბომბად“ იქცა.

ქალი ტყვიისგან დამზადებული კუბოთი დაკრძალეს, რადგან ტყვია რადიაციას არ ატარებს. კიურის რადიოაქტიური პირადი ნივთები, მათ შორის რვეულები, უბის წიგნაკები და ხელნაწერები საფრანგეთის ეროვნულ ბიბლიოთეკაში გადაიტანეს, სადაც დღემდე ტყვიის ყუთებში ინახება.

დღეს მარია კიურის ხელნაწერებთან წვდომა შეზღუდულია. თუ ადამიანს საფრთხის მიუხედავად, ამ ხელნაწერების ნახვის სურვილი გაუჩნდება, საფრანგეთის ეროვნულ ბიბლიოთეკაში ხელმოწერით უნდა დაადასტუროს, რომ მოსალოდნელ შედეგებზე პასუხისმგებლობას იღებს.

ხელნაწერების წაკითხვა ბიბლიოთეკის სპეციალურ სამკითხველო ოთახში შეიძლება, რომელიც სხვა სამკითხველო ოთახებისგან მოშორებით მდებარეობს. ხელნაწერების გაცნობის დროს აუცილებელია, რომ მკითხველი დოიმეტრით აღჭურვილი იყოს და სპეციალური დამცავი კოსტიუმი ეცვას.

სპეციალისტებმა დაადგინეს, რომ მარია კიურის ხელნაწერებთან მუშაობის დროს სპეციალურ დამცავ კოსტიუმში გამოწყობილ ადამიანზე რადიაციის ძლიერი ზემოქმედება არ ხდება.

ჩანაწერებთან მთელი წლის განმავლობაში მუშაობის დროსაც კი რადიაციის მაქსიმალური დოზა, რომელსაც ის მიიღებს, დაახლოებით, 10 ზივერტია. ცნობისთვის, რადიაციის დოზა, რომელსაც ადამიანი 10 კმ სიმაღლეზე თვითმფრინავის ფრენისას იღებს, 5 ზივერტია, მაგრამ თუ ამ ხელნაწერებს დამცავი კოსტიუმის და დოზიმეტრის გარეშე მიუახლოვდებით, გარკვეული დროის შემდეგ სისხლის დაავადებები იჩენს თავს.

საინტერესო ფაქტი - ადამიანებს მარია კიურის პირად ნივთებთან შიშველი ხელებით შეხების უფლება კიდევ 1500 წელი არ ექნებათ, ვინაიდან რადიუმ-226-ის ნახევრად დაშლის პერიოდი, დაახლოებით, 1600 წელია.

ესეც საინტერესოა 🔰:

მარია კიურის სკანდალური პირადი ცხოვრება