ნიკოლოზ II და უკანასკნელი რომანოვები - საბჭოური ბანქოს პროტოტიპები

კოსტიუმირებული წვეულება 1903 წლის თებერვალში გაიმართა და მისი მთავარი მოთხოვნა იყო, ყველა მონაწილე მე-17 საუკუნის ეპოქის შესაბამისად გამოწყობილიყო. მართლაც, 390-ვე სტუმარი პეტრე პირველამდელი სამეფო კარის ჩაცმულობის წარდგა,

ეს მდიდრული დღესასწაული სანკტ-პეტერბურგის ზამთრის სასახლეში გაიმართა და ისტორიაში შევიდა, როგორც უკანასკნელი ბალ-მასკარადი რუსეთის საიმპერატორო კარზე.

ფოტოგრაფებმა ფირზე აღბეჭდეს ღონისძიების ყველა მონაწილე, რისი წყალობითაც გახდა შესაძლებელი ამ სათამაშო ბანქოს შექმნა.

1911 წელს ფაბრიკა „დონდორფის“ გერმანელმა ოსტატებმა დაამუშავეს ესკიზები ბანქოსთვის, 1913 წელს კი პეტერბურგის ალექსანდროვის მანუფაქტურაში დაბეჭდეს. ბანქო, სახელად „რუსული სტილი“, რომანოვების სახლის 300 წლისთავს ეძღვნებოდა.

რევოლუციის შემდეგ მანუფაქტურა დაიხურა. 1923 წელს კი მან მუშაობა განაახლა და ბანქოს რევოლუციამდელი ესკიზებით გამოშვება გააგრძელა. მოგვიანებით რუსმა მხატვარმა-ილუსტრატორმა იური ივანოვმა ბანქო ოფსეტური ბეჭდვისთვის გადახატა ორიგინალიდან.

გასაოცარია, რომ საბჭოთა კავშირში მთელი 100 წლის მანძილზე ვერცერთმა სხვა ბანქომ ვერ გაუწია კონკურენცია „რუსულ სტილს“ და ხსოვნა უკანასკნელი საიმპერატორო ბალ-მასკარადის შესახებ „ლეგალურად“ შენარჩუნდა საუკუნის განმავლობაში.